Rasijskija pradstaŭniki sumiesnaj ź Biełaruśsiu mižuradavaj pracoŭnaj hrupy pa pahłybleńni intehracyi prystupili da invientaryzacyi dahavora ab sajuznaj dziaržavie. Pra heta zajaviŭ u sieradu žurnalistam śpiecpradstaŭnik prezidenta Rasii pa handlova-ekanamičnym supracoŭnictvie ź Biełaruśsiu, rasijski pasoł Michaił Babič.

«Rasijskaja častka hrupy pačała pracu. Ciapier idzie invientaryzacyja ŭsich pałažeńniaŭ sajuznaha dahavora pa błokach: ekanamičny, sacyjalny, pa orhanach dziaržaŭnaha kiravańnia, pa pytańniach biaśpieki i vajenna-techničnaha supracoŭnictva. Usie aśpiekty dahavora, jakija byli zakładzieny ŭ 1999 hodzie, razhladajucca adpaviednymi orhanami ŭłady [ŭ Rasii]», — adznačyŭ pasoł.

Babič źviarnuŭ uvahu, što «asablivaść hetaj pracy składajecca ŭ tym, što piać hadoŭ tamu byŭ padpisany jeŭrazijski dahavor». «Častka pałažeńniaŭ sajuznaha dahavora ŭžo vyklučanaja i pieraviedzienaja na jeŭrazijski ŭzrovień. Tamu tut važna nie dublavać paŭnamoctvy, jakija pieradadzieny jeŭrazijskim orhanam, a zachavać u ramkach sajuznaha dahavora tyja pravaadnosiny, jakija pavinny być u dvuchbakovym farmacie», — skazaŭ kiraŭnik rasijskaj dypmisii.

Pasoł paviedamiŭ, što jak tolki prapanovy buduć źviedzieny, rasijski bok prapanuje pahladzieć ich biełaruskim partnioram i vykazać svaje zaŭvahi i prapanovy. «Raźličvajem, što i biełaruski bok zrobić toje ž samaje», — skazaŭ Babič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?