Cikavy vypadak adbyŭsia ŭ škole ŭ vioscy Pieršamajskaje Prymorskaha kraja Rasii: miascovyja kryminalnyja «aŭtarytety» pračytali dzieciam lekcyju ab seksualnych pieravahach, piša ahienctva PrimaMedia.

Infarmacyju paćvierdziŭ v.a. kiraŭnika Michajłaŭskaha rajona Piotr Zubok.

Historyju apisali pa partale Pikabu.

«Žyviom my ŭ nievialikim pasiołku haradskoha typa. I siońnia daviedajemsia voś takuju ​​historyju: učorašni były dyrektar škoły, a siońnia kiraŭnik administracyi sielskaha sielišča, zaprasiŭ u škołu miascovych bandytaŭ (viedajuć ich usie). Ciapierašni dyrektar škoły asabista biehała pa ŭsich troch pavierchach škoły i źbirała (zryvajučy z urokaŭ, ničoha nie tłumačačy nastaŭnikam) tolki chłopčykaŭ, z 5 pa 7 kłasy. Chłopčykaŭ, čyje baćki vykładajuć tut ža ŭ škole, nie brali. Dapamahała joj u hetym zbory namieśnica pa vychavaŭčaj častcy. Usich u vyniku vyklikanych dziaciej sabrali ŭ aktavaj zale. Z darosłych byli tolki dyrektar, były dyrektar, nastaŭnik fizkultury, i ŭsio. Nu, jašče i zaprošanyja bandyty. Dyrektar pradstaviła zaprošanych ludziej: maŭlaŭ, heta tyja, chto sočyć za našym siałom, i dzieci pavinny na ich raŭniacca!» — havorycca ŭ paviedamleńni. «Zaprošanyja bandyty» u hrubaj formie patłumačyli chłopčykam, «što rabić u žyćci i nie rabić» i «što ź imi budzie na zonie», kali jany buduć mieć intymnyja adnosiny adzin z adnym.

Pry hetym adznačana, što dzieciam zabaranili raspaviadać pra sustreču baćkam i nastaŭnikam, adnak incydent usio roŭna staŭ zdabytkam hramadskaści.

Karespandentu PrimaMedia udałosia źviazacca z dyrektaram škoły. Z razmovy vyśvietliłasia, što takaja sustreča ź dziećmi ŭ adukacyjnaj ustanovie sapraŭdy była. Pa słovach dyrektara, kiraŭnik pasielišča z mužčynami ź siała raspaviali školnikam pra toje, što seksualnych damahańniaŭ chłopčykaŭ da chłopčykaŭ być nie pavinna.

Клас
0
Панылы сорам
0
Ха-ха
0
Ого
0
Сумна
0
Абуральна
0