3 žniŭnia na aeradromie «Baravaja» adbudziecca dvanaccaty muzyčny fest «Rok za Babroŭ». Na siońniašni dzień heta samy masavy biletny fiestyval Biełarusi i adzin z najlepšych fiestyvalaŭ SND.
U 2018-m fiestyval sabraŭ la sceny 45000 čałaviek. Heta absalutny rekord naviedvalnaści dla našaj krainy.
Adnym z hałoŭnych kryteraŭ takoha pośpiechu źjaŭlajecca davier hledačoŭ da festu. Navat biez abviaščeńnia chedłajnieraŭ, ludzi achvotna kuplajuć kvitki. Naprykład, na minuły «Rok za Babroŭ» na starcie prodažaŭ było nabyta bolš za 2000 kvitkoŭ.
Upieršyniu fiestyval «Rok za Babroŭ» prajšoŭ u 2005 hodzie ŭ Babrujsku, a jaho chedłajnieram staŭ hurt «Bi-2». Nastupnyja dva hady open-air taksama pravodziŭsia ŭ rodnym horadzie piva «Babroŭ», a paśla «pierajechaŭ» pad Minsk.
Za svaju historyju fiestyvalnaja scena «Rok za Babroŭ» bačyła bolš za 100 vykanaŭcaŭ, siarod jakich: «Mumij Trol», «Akijan Elzy», Sunrise Avenue, «Načnyja snajpiery», «Park Horkaha», «DDT», «Splin», «ŁSP», «Lapis 98», «Kasta», «Brava», Noize MC, 5'Nizza i inšyja.
Što čakaje hledačoŭ sioleta?
Praciahłaść fiestyvalu pavialičycca da 12 hadzin.
U im voźmie ŭdzieł 12 kalektyvaŭ, jak zaŭsiody hety buduć najlepšyja i samyja aktualnyja zorki rok- i chip-chop sceny.
Fiestyval zaprašaje nie tolki zamiežnyja kalektyvy, ale i daje mahčymaść vystupić maładym dy pierśpiektyŭnym kamandam. Umovy ŭdziełu dla ajčynnych hurtoŭ jašče buduć abvieščanyja.
«U nas niama mety vyraści ŭ kolkaści hledačoŭ, naša hałoŭnaja zadača - praca ź jakaściu servisu na fiestyvali. Nam važna zachavać davier hledačoŭ da «Rok za Babroŭ», i štohod my starajemsia zrabić jašče lepš. U 2018 hodzie fiestyval razharnuŭsia na 150 000 kv.m, a u 2019 hodzie płošča mierapryjemstva jašče budzie pavialičana. Adpaviedna, pavialičycca kolkaść aktyŭnaściaŭ i absłuhoŭvajučaha piersanału.
Na fudkort płanujecca pastavić bolš za 120 punktaŭ charčavańnia. Dadatkova buduć adčynienyja punkty prodažaŭ tolki pitnoj vady i achaładžalnych napojaŭ»,
— raspaviała Śviatłana Vałkaviec, dyrektar pa markietynhu kampanii «Babrujski brovar».
Prodažaŭ kvitkoŭ startavaŭ 17 śniežnia. Heta samaja nizkaja cana na «Rok za Babroŭ»: usiaho 19, 99 rubloŭ! Kvitki možna nabyć anłajn.
«My siabrujem z pramoŭtarami najlepšych jeŭrapiejskich fiestyvalaŭ — kaža arhanizatar fiestyvalu Alaksandr Kasač. — My pastajanna pierajmajem ich dośvied, vykarystoŭvajem ich «fiški». My startujem pa samaj nizkaj canie, nie abviaščajučy imiony artystaŭ.
My ŭpeŭnienyja, što hladač daviaraje našamu fiestyvalu — ludzi iduć na jaho nie za imionami, a za nastrojem i adnosinami. Ale my ŭ lubym vypadku abiacajem vialikuju kolkaść zorak pieršaha ešałona».
