Niekalki čałaviek zarablali vyrabam bieśpiłotnych latalnych aparataŭ (dronaŭ). Klijentaŭ šukali ŭ interniecie. Z dapamohaj takoj techniki ŭ tym liku pieramiaščali kantrabandny tytuń cieraź miažu, paviedamlaje TRK Hrodna.
Śledstvam była zroblena pravieračnaja zakupka. Košt adnaho drona — 7200 dalaraŭ, jon moža padniać da 20 kiłahram i pieranieści na adlehłaść da 10 km. Kirujuć takimi aparatami dystancyjna —- praz noŭtbuk i GPS-navihacyju. Padčas pravieračnaj zakupki pradaŭca zatrymali.
Vyśvietlena, što hetaja hrupa ludziej vyrablała drony i mienšaj hruzapadymalnaści. Paśla zatrymańnia byli vyjaŭleny i pakupniki hruzavoj techniki. Siarod ich byli i tyja, chto pierasoŭvaŭ cyharety praź miažu ŭ krainy ES.
Raspačata kryminalnaja sprava pa artykule «Zamach na niezakonnuju pradprymalnickuju dziejnaść». Udzielnikam złačynnaj hrupy pahražaje da 3 hadoŭ turmy kožnamu.
