Kadr ź filma «Vienam»
U minułym hodzie siarod zachodnich stužak lidarami pa zborach stali: «Vienam» (1-je miesca), «Mściŭcy. Vajna biaskoncaści» (2-je miesca), «Bahiemskaja rapsodyja» (3-je miesca). Apošniaj, darečy, nie pradkazvali takoha pośpiechu. Čaćviortaja pazicyja — u «Fantastyčnych istotaŭ», piataja — u filma «Dedpuł 2».
Z rasijskich na pieršym miescy apynułasia karcina «Ruch uvierch», na druhim — «Jołki. Novyja» (jakija pakazvali hod tamu), «Palicejski z Rubloŭki. Navahodniaje biaźmiežža» — na trecim (jašče ŭ prakacie). Čaćviortaje miesca — u filma «Lod», piataje — u «Ja chudnieju».
U «Kinavideaprakatu» hnutkaja repiertuarnaja palityka, tamu kali na film u hledačoŭ jość popyt, to jaho prakat padaŭžajuć. Tak, naprykład, daŭžej usich u kino ŭ 2018-m pakazvali «Ruch uvierch» (trymaŭsia 9 tydniaŭ), «Bahiemskaja rapsodyja» (8 tydniaŭ), «Mściŭcaŭ» (5 tydniaŭ).
