Aktyvisty «Čaluskincaŭ avieniu» sutyknulisia z tym, što ich listy, adpraŭlenyja kamisii, pa ŭkazanym adrasie nie dachodzili. Mietadam sprob i pamyłak ludzi vyjavili, što pošta nie pracuje, bo ŭ joj u častcy «gov» ustaŭlenaja kiryličnaja «o».

Skrynšoty z telehram-kanała «Čaluskincaŭ Avieniu».

Skrynšoty z telehram-kanała «Čaluskincaŭ Avieniu».

Ludzi zadavalisia pytańniem: «Jak u častcy «gov» možna było adnačasova skarystać dźvie raskładki kłavijatury? Niekatoryja minčuki vykazali zdahadku, što heta było zroblena naŭmysna, kab da kamisii nie dapisalisia.

My datelefanavalisia hałoŭnamu śpiecyjalistu siektara budaŭnictva Upraŭleńnia architektury i budaŭnictva Pieršamajskaha rajona, jaki niepasredna adsočvaje zvaroty hramadzian, kab vyśvietlić, chto ž «začaravaŭ» ich poštu.

Voś takija pamyłki vydavała sprba adpravić list.

Voś takija pamyłki vydavała sprba adpravić list.

— My viedajem pra takuju prablemu, heta ŭžo nie ŭpieršyniu. Ale sami my sajtam nie zajmajemsia — za jaho adkazvaje Centr infarmacyjnych technałohij Minharvykankama, kudy my pieradajom usiu infarmacyju. Napramuju telefanavaŭ tudy — mnie dajuć ad varot pavarot. Tam niejkija prablemy z kadziroŭkaj… Užo daŭno administracyja šukaje novaha raspracoŭščyka sajta, ale ŭ vyniku ŭsio zakančvajecca na ŭzroŭni idei. Tam siadziać ludzi pieradpiensijnaha ŭzrostu, jakim nie patłumačyš ničoha…

Dyk niaŭžo vypravić adnu litaru ŭ adrasie pošty — heta takaja składanaja zadača? Z takim pytańniem my źviarnulisia ŭ Centr infarmacyjnych technałohij Minharvykankama, jaki niepasredna i zajmajecca padtrymkaj sajta administracyi Pieršamajskaha rajona. Vyśvietliłasia, što va ŭpraŭleńni prajektavańnia infarmacyjnych technałohij pra takuju prablemu čuli ŭpieršyniu.

Paśla našaha zvanka śpiecyjalistka adździeła Vieranika adrazu ž pierapisała poštu łacinskimi litarami ŭručnuju, i listy stali dachodzić

«Tut sprava ni ŭ jakoj nie ŭ kadziroŭcy. Prosta toj, chto składaŭ dadzieny list, dapuściŭ pamyłku ŭ paštovym adrasie, prapisaŭ častku ruskimi litarami. My ž sami ničoha nie raźmiaščajem. Što dasyłajuć — toje i źjaŭlajecca na sajcie, heta nie našy pamyłki», — patłumačyli ŭ Centry infarmacyjnych technałohij Minharvykankama.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?