Paet, žurnalist z amal 60-hadovym stažam, staršynia Kamisii pa etycy BAŽ, aŭtar «Našaj Nivy» Siarhiej Vahanaŭ čytaje vieršy pra Alaksandra Koržyča, Barysa Niamcova, supraćstajańnie ŭ Kurapatach i dramatyčnuju historyju siamji, ciesna pieraplecienuju z historyjaj krainy.
Čatyry kuli
Pamiaci Barysa Niamcova
Čatyry kuli,
Šeść śmiardziučych hilzaŭ…
I cieła, raspaściortaje na fonie
Kramla,
Dzie ŭtaropiŭ zrenki ŭniz
Zabojca, staŭšy jak toj car na tronie…
Ni da čaho ŭžo pryhažość manier
I ćmianyja vyhiby łabirynta…
Adlity kuli u SSSR.
Rasija tymi kulami zabita.
Ŭsiaho čatyry…
Šeść śmiardziučych hilzaŭ…
Zusim niašmat, kab vyniščalna-ździekliva
Varjactva strachu vyrvałasia z
Žarały, praź jakoje palić piekła.
Chaŭruśniki, što vylepleny z brudu,
Paŭzuć da tronu zvykłaj kalainaj…
Im nazaŭždy pazastavacca Judami
La cieła raspaściortaje krainy…
Živiet vo mnie podarkom Boha,
Pod płač oborvannoj struny,
Vo črievie matieri doroha
Vo črievo vzdyblennoj strany…
— Kab tak skazać, mała ŭmieć pisać vieršy. Treba mieć bijahrafiju, los, splecieny ź bijahrafijaj «vzdyblennoj strany». Aŭtar knihi taki los maje, tamu i my majem hetuju knihu, — kaža pra knihu Siarhiej Vahanava «Ja vieru ŭ Cud» Uładzimir Niaklajeŭ.
Kali: 24 studzienia, čaćvier, 19:00.
Dzie: Biełaruskaja asacyjacyja žurnalistaŭ (vuł. Kalvaryjskaja, 16, ofis 265 (4 pavierch).
Uvachod volny.
