U Ekanamičnym sudzie Minska adbyłosia papiaredniaje pasiedžańnie z nahody pazovu dziaržaŭnaha pradpryjemstva «Domenerhaservis» suprać Partyi BNF, piša radyjo «Svaboda».

Pryčyna ŭ zapazyčanaściach u apłacie arendy pamiaškańnia, u jakim ad 2011 hodu mieścicca štab-kvatera partyi. Pazoŭnik patrabuje skasavać damovu arendy ŭ budynku na vulicy Čarnyšeŭskaha, 3.

Praces pryznačany na 16 studzienia.

​Staršynia Partyi BNF Ryhor Kastusioŭ pierakanany: pahroza pazbaŭleńnia centralnaj siadziby najstarejšaj apazycyjnaj arhanizacyi maje vyrazny palityčny padtekst. Pry tym, što partyi niama ŭ śpisie niadobrasumlennych arandataraŭ, jaki publikuje Mienharvykankam (u toj čas jak tam znachodziacca lajalnyja da dziaržavy Kamunistyčnaja partyja Biełarusi dy prarasiejskaje «Bratstvo biełorusov i rośsijan»), atrymana kamanda na vysialeńnie.

Jak udakładniŭ palityk, u sudzie pradstaŭniki Partyi BNF pradjavili dokazy apłaty pavodle hrafiku likvidacyi zapazyčanaściaŭ. 

«Dziakujučy achviaravańniam my sabrali bolš za 20 tysiač rubloŭ na apłatu siadziby, — tłumačyć Ryhor Kastusioŭ. — Heta dazvoliła nam apłacić blizu dźviuch tracinaŭ ad nieabchodnaj sumy. Ja ščyra ŭdziačny sotniam ludziej, jakija pieraličvajuć srodki — asnoŭnuju masu składajuć sumy ad 1 da 50 rubloŭ. Narodnaja padtrymka dazvalaje raźličvać, što my zrobim usio mahčymaje, kab zachavać adzinuju ŭ Miensku siadzibu pad bieł-čyrvona-biełym ściaham».

Achviaravańni dla apłaty siadziby BNF u Miensku možna pieraličyć praz systemu Raźlik (ARIP)/»Rasčiet» (JERIP) u lubym banku, praź internet-bankinh, mabilny bankinh, infakijosk, u bankamacie i h.d. Rekvizyty dla pieraličeńnia achviaravańniaŭ možna znajści na sajcie raschet.by (u pošuku pasłuhaŭ nabirać BNF ci kod pasłuhi 4431691).

Клас
0
Панылы сорам
0
Ха-ха
0
Ого
0
Сумна
0
Абуральна
0