Sistema imhniennych płaciažoŭ dazvolić klijentam bankaŭ Biełarusi płacić za tavary, raboty, pasłuhi, vykonvać abaviazki pierad biudžetam u biełaruskich rublach u režymie realnaha času 24 hadziny ŭ sutki 7 dzion u tydzień biez vychadnych i śviatočnych dzion.

Dla zabieśpiačeńnia vykanańnia imhniennych płaciažoŭ banki pavinny buduć kantralavać dastatkovaść srodkaŭ na rachunkach płacielščykaŭ, praviarać płaciažy na adpaviednaść vyznačanym kryteram kantrolu, a taksama reziervavać hrašovyja srodki na svaich karespandenckich rachunkach u pamiery, dastatkovym dla vykanańnia mierkavanych abjomaŭ płaciažoŭ, u tym liku dla pracy ŭ načny čas, u vychadnyja i śviatočnyja dni.

Udzieł bankaŭ u sistemie budzie mieć dobraachvotny charaktar. Kankretnyja ŭmovy imhniennych płaciažoŭ buduć vyznačacca ŭ damovie, zaklučanaj bankam-udzielnikam z płacielščykam.

«Ukaranieńnie sistemy imhniennych płaciažoŭ źjaŭlajecca čarhovym krokam pa ŭdaskanaleńni płaciežnaj sistemy Biełarusi z ulikam suśvietnych tendencyj, bo daść mahčymaść ažyćciaŭlać płaciažy bolš chutkim, nadziejnym i adnosna niedarahim sposabam za košt ekanomii tranzakcyjnych vydatkaŭ», — adznačyli ŭ Nacbanku.

Клас
0
Панылы сорам
0
Ха-ха
0
Ого
0
Сумна
0
Абуральна
0