Apieracyja ŭpieršyniu praviedziena siońnia ŭ RNPC «Kardyjałohija». Takaja apieracyja pravodziłasia pa amierykanskaj technałohii. Śpiecyjalisty z ZŠA kansultavali biełaruskich kaleh u chodzie apieracyi, paviedamlaje Minzdaroŭja.

Heart Team abo sardečnaja kamanda składałasia z — kardyjołahaŭ, endavaskularnych chirurhaŭ, kardyjachirurhaŭ, śpiecyjalistaŭ ultrahukavoj dyjahnostyki, radyjołahaŭ. Biełaruskija śpiecyjalisty bolš za hod rychtavalisia da hetaj apieracyi.

«Hetaja apieracyja adnosicca da kłasičnych apieracyjaj pa hibrydnaj technałohii ŭ halinie kardyjachirurhii. Heta budučynia kardyjachirurhii ahułam», — skazaŭ dyrektar RNPC «Kardyjałohija» Alaksandr Mročak.

Pieršaja hibrydnaja apieracyja była vykananaja siońnia žycharcy Minska - u jaje raźviłasia išemičnaja kardyjamijapatyja paśla pieraniesienaha infarktu mijakarda ź vialikaj anieŭryzmaj levaha žałudačka. «Na žal, - jak adznačyŭ Alaksandr Mročak, - pry takich patałohijach anieŭryzma nie ŭdzielničaje ŭ skaračeńni serca, vyklikaje sardečnuju niedastatkovaść, što skaračaje žyćcio pacyjenta. Redukcyja abo pamianšeńnie pamieru anieŭryzmy, pryvodzić da taho, što čałaviek budzie daŭžej žyć».

U svaju čarhu zahadčyk łabaratoryi chirurhii serca RNPC doktar miedycynskich navuk, prafiesar, akademik Juryj Astroŭski adznačyŭ, što sumiaščeńnie hetych dvuch padychodaŭ vyrašaje zadaču pa minimizacyi chirurhičnaj traŭmy.

Heta absalutna novaja mietodyka, jakaja raspracavana niekalki hadoŭ tamu ŭ ZŠA. Jana zaklučajecca ŭ tym, što ŭračy ažyćciaŭlajuć pamianšeńnie i remaduliravańnie levaha žałudačka serca šlacham hibrydnaha dostupu: chirurhičnaha i ŭnutrysasudzistaha. Tym samym dasiahajecca bolšy vynik ź mienšaj traŭmaj dla pacyjenta. «My pamienšyli abjom kamiery serca prykładna na 40%, što zabiaśpiečyć lepšuju jakaść žyćcia dla pacyjenta», - raspavioŭ zahadčyk renthienapieracyjnaj RNPC Aleh Pałaniecki.

Dla navučańnia biełaruskich śpiecyjalistaŭ novaj technałohii prybyła bryhada śpiecyjalistaŭ z ZŠA. Akramia taho, za pracesam z adukacyjnaj metaj taksama nazirali viadomyja kardyjachirurhi ź inšych krain, u tym liku Ispanii, Hiermanii, Italii.

Vysoka acaniŭ prafiesijanalizm biełaruskich chirurhaŭ i kardyjachirurh Łon Ańniest z ZŠA. «My majem mahčymaść pracavać praktyčna pa ŭsim śviecie. Vaša kamanda znachodzicca absalutna na adnym uzroŭni z ŭračami z ZŠA, Anhlii, Paŭdniova-Uschodniaj Azii», - skazaŭ jon. Akramia taho, śpiecyjalist vysoka acaniŭ terapieŭtyčnyja padychody i standarty miedycynskaj dapamohi, jakija prymianiajucca ŭ Biełarusi. Łon Ańniest adznačyŭ, što ŭsie prademanstravanyja jamu pacyjenty atrymlivajuć aptymalnaje sučasnaje lačeńnie na daapieracyjnym etapie.

Клас
Панылы сорам
Ха-ха
Ого
Сумна
Абуральна