28-hadovy ŭradženiec Vilejki ź vieraśnia 2017 hoda pa vierasień 2018-ha vymantačyŭ u 11 čałaviek 56 tysiač rubloŭ. Pavodle śledstva, mužčyna raspracoŭvaŭ šmatlikija lehiendy i padmanvaŭ svaich znajomych. Vydumanyja historyi, u tym liku, byli pra baćku, jaki nibyta vałodaje biźniesam u Narviehii, u niekatorych ź ich havorka išła pra ciažka chvoruju maci.

Tak, u adnym z vypadkaŭ abvinavačvany atrymaŭ ad znajomaha 300 dalaraŭ nibyta pad afarmleńnie nieabchodnych dakumientaŭ dla pracaŭładkavańnia ŭ firmu jaho baćki ŭ Narviehiju, dzie paciarpieły zmoh by atrymlivać vialiki zarobak. Mužčyna nieadnarazova braŭ hrošy ŭ znajomych pad markaj dapamohi ŭ kupli aŭtamabila i nieruchomaści.

Achviarami stanavilisia taksama i žančyny, ź jakimi jon znajomiŭsia ŭ internecie i pačynaŭ blizkija adnosiny. Karystajučysia ich davieram, jon braŭ hrošy nibyta dla apłaty stamatałahičnych pasłuh, zamieny paśviedčańnia kiroŭcy, kupli žylla i aŭtamabilaŭ. Adna z paciarpiełych uvohule zdavała ŭ łambard juvielirnyja vyraby, jakija mužčyna abiacaŭ paźniej vykupić.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?