Z pačatku vajennaha stanovišča va Ukrainie pamiežniki nie puścili bolš za 1020 rasijan. Pra heta paviedamiŭ pamočnik kiraŭnika Dziaržpahransłužby Ukrainy Aleh Słabadzian, piša 112 Ukrajina.

Pradstaŭnik słužby padkreśliŭ, što rasijan nie puskajuć va Ukrainu vybaračna.

«U pieršuju čarhu tyja hramadzianie RF, jakija jeduć z humanitarnaj metaj, dla ŭdziełu ŭ adukacyjnych mierapryjemstvach abo ŭ spartyŭnych spabornictvach, karystajucca pryjarytetam i bieź lišnich prablem mohuć pierasiakać miažu na ŭjezd va Ukrainu», — rastłumačyŭ jon.

Słabadzian dadaŭ, što zhodna ź dziejučym zakanadaŭstvam dla vyśviatleńnia mety pajezdki pamiežniki mohuć udakładniać dadatkovyja abstaviny. Heta mohuć być zvarotnyja kvitki, braniravańnie hatela, paćvierdžańnie ad hramadzian Ukrainy, što da ich jeduć u hości i inšyja danyja.

Клас
0
Панылы сорам
0
Ха-ха
0
Ого
0
Сумна
0
Абуральна
0