Hetyja padziei adbyvalisia ŭ niadzielu ŭ vioscy Čamiały, što ŭ Ivacevickim rajonie. Padrabiaznaści ahučyŭ partał ivatsevichy.by.

U domie A., 67-hadovaha miascovaha žychara, dniom i viečaram «tusavalisia» jaho siabry i rodzičy. Raśpivali śpirtnyja napoi, hutaryli pra žyćcio-byćcio. Siarod prysutnych byŭ i 31-hadovy plamieńnik: jon pryjšoŭ da dziadźki sa svajoj 43-hadovaj siabroŭkaj, asobaj cyhanskaj narodnaści, ź jakoj jon paznajomiŭsia na Pružanščynie i ź jakoj zaraz pryjechaŭ na radzimu.

Kali hości razyšlisia, to haspadar raptam vyśvietliŭ: dzieści prapali 170 rubloŭ. Jaho padazreńni adrazu lahli na siabroŭku plamieńnika. Maŭlaŭ, ukraści mahła tolki asoba cyhanskaj narodnaści. A. nakiravaŭsia ŭ dom da plamieńnika.

U chodzie «raźbiralnictvaŭ» raźjušany A. udaryŭ nažom siabroŭku plamieńnika, chacia jana klałasia i bažyłasia: hrošaj nie brała. Paśla jon pajšoŭ damoŭ, staŭ jašče raz pierabirać svaje rečy i… znajšoŭ hetyja 170 rubloŭ u kišeni štanoŭ. Jon raniej ich pierakłaŭ i zabyŭsia, a paraniŭ nažom zusim nievinavatuju žančynu, jakaja zaraz znachodzicca na balničnym łožku.

Vyrašajecca pytańnie ab zaviadzieńni kryminalnaj spravy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?