Litva budzie imknucca da taho, kab kiraŭnikom mižnarodnaj arhanizacyi palicyi Interpał nie staŭ abrany pradstaŭnik Rasii Alaksandr Prakapčuk, zajaviła ŭ aŭtorak litoŭskaje MUS.
Kiraŭnika Interpała abiaruć u sieradu. Pa słovach kiraŭnika MUS Litvy Ejmucisa Misiunasa, u vypadku, kali ciapierašni vice-prezident Interpała A. Prakapčuk pieramoža na vybarach, «Interpał stanie palityzavanaj pryładaj režymnaj raspravy».
U hetym vypadku Litva budzie vymušanaja razhledzieć mahčymaść vychadu z hetaj arhanizacyi, zajavili ŭ aŭtorak u parłamiencie krainy.
«Kali A. Prakapčuk budzie abrany kiraŭnikom Interpała, to Litva razam ź inšymi demakratyčnymi krainami pavinna budzie nieadkładna razhledzieć mahčymaść vychadu z hetaj arhanizacyi», - havorycca ŭ rezalucyi, pryniataj u aŭtorak siejmam Litvy. Za hetuju rezalucyju prahałasavali 88 deputataŭ, nie było nivodnaha suprać, siem ustrymalisia.
