Japonski aŭtamabilny kancern Nissan choča zvolnić Karłasa Hona z pasady prezidenta kampanii za niepraŭdzivaje ŭkazańnie źviestak pra pamiery svaich prybytkaŭ, piša bbc.com.

Japonskija ŚMI paviedamlajuć, što 64-hadovy Hon aryštavany, adnak aficyjnaha paćvierdžańnia niama.

Karłas Hon - lehiendarny kryzisny mieniedžar, jaki zdoleŭ viarnuć prybytkovaść niekalkim aŭtahihantam. U Japonii Hon - hieroj komiksaŭ manha.

Pavodle ŚMI, śledčyja orhany ładziać pieratrusy ŭ ofisach Nissan.

U paniadziełak ranicaj akcyi francuzskaj kampanii Renault, jakaja ŭvachodzić u aljans Renault-Nissan-Mitsubishi, patańnieli amal na 15%.

U finansavych złoŭžyvańniach Karłasa Hona źvinavaciŭ nieviadomy infarmatar unutry kampanii.

Jak havorycca ŭ paviedamleńni Nissan, na praciahu niekalkich hadoŭ Hon padavaŭ u aficyjnych źviestkach zanižany pamier svaich «kampiensacyjnych vypłat» - i ŭ hetym jamu dapamahaŭ vykanaŭčy dyrektar Nissan Hreh Kieli (jon nibyta taksama aryštavany).

Suma vypłat, jakija kiraŭnik kancerna schavaŭ ad rehulatara, pavodle niekatorych źviestak, dasiahaje 44 młn dalaraŭ.

Rada dyrektaraŭ kancerna źbiarecca ŭ čaćvier dla hałasavańnia pa pytańni ab zvalnieńni Hona.

Karłas Hon zajmaje pasadu prezidenta Nissan ad 2000 hoda. Jon taksama źjaŭlajecca prezidentam Renault ad 2005 i ŭznačalvaje radu dyrektaraŭ Mitsubishi Motors ad 2016 hoda. U pačatku 2000-ch prapanavanaja im prahrama žorstkaha skaračeńnia vydatkaŭ dapamahła vyvieści Nissan z hłybokaha kryzisu.

Karłas Hon naradziŭsia ŭ 1954 u Brazilii, u siamji emihrantaŭ ź Livana. Da piaci hadoŭ, adznačajuć bijohrafy, jon užo ŭmieŭ adroźnivać adnu mašynu ad inšaj pa huku kłaksona.

U 6 hadoŭ Hon pierajechaŭ sa svajoj maci ŭ Biejrut i tam naviedvaŭ jezuickuju škołu.

Paźniej Hon vypraviŭsia ŭ Paryž, dzie vučyŭsia ŭ elitnych vyšejšych navučalnych ustanovach - u tym liku ŭ inžynierna-politechničnym univiersitecie. U Hona - francuzski pašpart.

Kali Karłasu Honu prapanavali padumać pra post prezidenta Livana, jon adkazaŭ, što ŭ jaho i tak užo zanadta šmat pasad.

U apytańni na temu «Kaho b vy chacieli bačyć na čale ŭrada», praviedzienym u Japonii ŭ 2011 hodzie, Karłas Hon zaniaŭ siomaje miesca, apiaredziŭšy Baraka Abamu.

Клас
0
Панылы сорам
0
Ха-ха
0
Ого
0
Сумна
0
Абуральна
0