Saudaŭski žurnalist Džamal Chašohi pierad śmierciu kazaŭ, što zadychajecca i prasiŭ źniać ź jaho hałavy miašok. Pra heta katarskamu telekanału Al Jazeera raspavioŭ kiraŭnik žurnalisckaha rasśledavańnia ŭ Turkish Daily Sabah Nazif Karaman.

Pa słovach Karamana, apošnimi słovami Chašohi byli: «Ja zadychajusia… Źnimicie hety miašok z majoj hałavy, u mianie kłaŭstrafobija». Pavodle aŭdyjazapisu, saudaŭski žurnalist pamior praź siem chvilin paśla taho, jak jamu na hałavu načapili polietylenavy pakiet.

Akramia taho, jak śćviardžaje Karaman, pierad tym jak rasčlanić cieła Chašohi, zabojcy raskłali na padłozie polietylenavyja miaški. Praces rasčlanieńnia cieła zaniaŭ kala 15 chvilin, a ažyćciaviŭ jaho saudaŭski sudova-miedycynski ekśpiert, kiraŭnik saudaŭskaha Instytuta sudovaj miedycyny Sałach al-Tubaihi, śćviardžaje surazmoŭca.

Клас
0
Панылы сорам
0
Ха-ха
0
Ого
0
Сумна
0
Абуральна
0