coastguard.dodlive.mil

coastguard.dodlive.mil

Prezident ZŠA Donald Tramp płanuje padpisać ukaz, jaki admienić aŭtamatyčnaje pryniaćcie ŭ amierykanskaje hramadzianstva narodžanych na terytoryi ZŠA dziaciej nielehałaŭ abo niehramadzian. Pra heta jon zajaviŭ u intervju Axios.

«My — adzinaja kraina ŭ śviecie, u jakuju čałaviek moža pryjechać, naradzić dzicia, i heta dzicia budzie mieć hramadzianstva ZŠA z usimi jaho pryvilejami. Heta prosta śmiešna, i heta pavinna skončycca», — skazaŭ Tramp. Pavodle jaho słoŭ, administracyja pracuje nad padrychtoŭkaj ukaza na hetuju temu.

Tramp rastłumačyŭ, što, na dumku jaho daradcaŭ, dla admieny aŭtamatyčnaha pradastaŭleńnia hramadzianstva narodžanym na terytoryi Amieryki dzieciam nie treba ŭnosić nijakich papravak u Kanstytucyju. «Mnie zaŭsiody kazali, što dla hetaha patrebna kanstytucyjnaja papraŭka. Adhadajcie, što? Jana nie patrebna», — zajaviŭ Tramp. Pavodle jaho słoŭ, dastatkova prezidenckaha ŭkazu.

14-ja papraŭka da Kanstytucyi ZŠA zaznačaje: «Usie asoby, jakija naradzilisia abo naturalizavanyja ŭ Złučanych Štatach i padparadkavanyja jurysdykcyi ich, źjaŭlajucca hramadzianami Złučanych Štataŭ i štata, u jakim jany pražyvajuć».

Adnak vydańnie pryvodzić acenki pradstaŭnikoŭ pravaha palityčnaha śpiektru, u tym liku jurystaŭ, jakija ličać, što 14-ja papraŭka tyčycca dziaciej, narodžanych ad hramadzian ZŠA i nie raspaŭsiudžvajecca na dziaciej niehramadzian abo niezakonnych mihrantaŭ. Vučony-kanstytucyjanalist Džon Istman zajaviŭ vydańniu, što hety artykuł Kanstytucyi ZŠA niapravilna prymianiaŭsia niekalki dziasiatkaŭ hadoŭ. Jon ličyć, što «padparadkavańnie jurysdykcyi ZŠA» raspaŭsiudzicca tolki na trymalnikaŭ hryn-kart i hramadzian. Jon taksama dadaŭ, što da 1960-ch hadoŭ hety artykuł nikoli nie prymianiaŭsia ŭ dačynieńni da dziaciej niehramadzian ci ludziej biez dakumientaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?