Zasłužany trenier Biełarusi Uładzimir Krykunoŭ, što ŭznačalvaje maskoŭskaje «Dynama», jakoje pieramahło siońnia minskich adnakłubnikaŭ (3:1), padzialiŭsia svaimi dumkami pra prablemy minčukoŭ.
Fota: Vadzim Zamiroŭski, Tut.by.
— Siem paražeńniaŭ zapar — heta zvyčajnaja sprava. U kožnaj kamandzie byvajuć spady. U majoj trenierskaj karjery takoje nieadnarazova zdarałasia. Napeŭna, mnohija z vas jašče nie naradzilisia, kali ja byŭ hałoŭnym trenieram. Pytańnie ŭ tym, jak vyjści z takoj situacyi? Dumaju, u «Dynama» jość takija mahčymaści. Nie treba adrazu rabić vysnovy. Niapravilna, kali treniera prybirajuć paśla pieršaj pamyłki, u jakoj, moža, nie jon i vinavaty. Lohka rabić vysnovy ludziam, jakija ni za što nie adkazvajuć.
Praź niekalki chvilin, kali Duajiera pytali pra prablemy kłuba, Krykunoŭ dadaŭ:
— Chakiejem pavinny kiravać chakieisty, a nie hienierały.
