Rašeńni Sinoda RPC pra razryŭ jeŭcharystyčnych znosinaŭ — heta «vymušanaja žorstkaść», zajaviŭ RBK staršynia sinadalnaha adździeła pa ŭzajemaadnosinach carkvy z hramadstvam i ŚMI Maskoŭskaha patryjarchatu Uładzimir Lahojda. Heta «nie sproba kahości pieramahčy ci niešta dakazać —heta adzina mahčymyja dla nas pavodziny, ale metaj jano maje tolki adno — adnaŭleńnie brackich adnosin z tymi, z kim jano było pierapyniena».
Lahojda adznačyŭ, što «ŭ situacyi, jakaja skłałasia, niama ničoha dobraha», ale RPC «niama ŭ čym siabie papraknuć». «Ruskaja carkva zrabiła ŭsio, kab hetaha (razryvu jeŭcharystyčnych znosinaŭ) nie adbyłosia. Raspačała ŭsie dypłamatyčnyja namahańni: patryjarch Kirył asabista lotaŭ u Stambuł i niekalki hadzin razmaŭlaŭ z patryjarcham kanstancinopalskim, kab pieraścierahčy jaho ad takich nastupstvaŭ», — raspavioŭ Lahojda.
Pavodle jaho słoŭ, Kanstancinopalski patryjarchat vyvieŭ siabie za miežy kananičnaha pola, «heta značyć štodzionnaj movaj, za ramki isnujučych zakonaŭ», i heta robić dla RPC niemahčymym praciah jeŭcharystyčnych znosinaŭ. «Heta vymušanaja miera, ale ŭ čym zaklučajecca meta hetaj miery — viadoma, u tym, kab situacyja viarnułasia na kruhi svaja, kab adnavić adzinstva», - dadaŭ jon.
