Čempijon śvietu UFC u lohkaj vazie rasijanin Chabib Nurmahamiedaŭ u pačatku svajoj karjery chacieŭ pryniać ukrainskaje hramadzianstva i vystupać za Ukrainu na mižnarodnych spabornictvach, ale nie zmoh atrymać ukrainski pašpart. Pra heta ŭ intervju «Sport-ekspriess» raspavioŭ jaho dziadźka Aleks Nurmahamiedaŭ, jaki ciapier žyvie ŭ Pałtavie.
Chabib Nurmahamiedaŭ. Fota: instahram.
— Čamu Chabib nie atrymaŭ ukrainski pašpart?
— My prykładvali maksimum namahańniaŭ, kab Chabib atrymaŭ hramadzianstva va Ukrainie. My cenim, lubim i pavažajem Ukrainu i jaje narod. Ja skažu, što lepšaha naroda niama. Kažuć, što radzima tam, dzie ty naradziŭsia. Ale ja liču, što radzima tam, dzie tabie dobra. My płanavali, kab Chabib vystupaŭ za Ukrainu, ale nie zmahli hetaha zrabić.
— Čamu nie atrymałasia?
— Hetaje pytańnie treba zadać Bandarenku.
— Chto heta?
— Byŭ načalnikam AVIRa. Jaho imia i imia pa baćku ja nie pamiataju, a proźvišča zapomniŭ vielmi dobra. My nie raz źviartalisia, ale…
— Čym jon arhumientavaŭ admovu?
— Absalutna ničym. Kazaŭ: «Zdajcie dakumienty, razhledzim». Nie viedaju, jak jany razhladali, ale ŭvieś čas była admova. I heta było nie adzin raz, a čatyry ci piać. Tamu my ŭžo nie stali bolš prasić. Chabib tady jašče maleńki byŭ, u jaho nie było pašparta. U Rasii jon ličyŭsia ŭ finansavym technikumie. Siudy jon pryjazdžaŭ pa davieranaści: baćka davaŭ mnie davieranaść, i ja jaho pryvoziŭ.
— Była ŭ Chabiba kryŭda z-za admovy va ŭkrainskim hramadzianstvie?
— Była. Jon pytaŭsia, čamu nie dajuć pašpart, čamu jany tak hladziać na hetuju situacyju? Ja adkazvaŭ jamu, što nie viedaju i ničoha zrabić nie mahu. Jon na svaje pieršyja bai lotaŭ z Pałtavy. Vystupaŭ za kłub «Antares-2000» — heta achoŭnaja firma Viktara Kryvaručki, jaki doŭhi čas byŭ jaho sponsaram. Potym — za kłub «Combat-DOBRO» u Kijevie. Kiravaŭ im Elchan Vialijeŭ — prezident fiederacyi bajavoha samba Ukrainy. Ja tady ŭ jaho byŭ vice-prezidentam. A adsiul my ŭžo adpravili Chabiba ŭ Rasiju, jamu dali pašpart, i jon palacieŭ.
— Što vy viedajecie pra płany Chabiba paśla zaviaršeńnia karjery?
— Jon kaža, što skončyć sa sportam i budzie treniravać. Mienavita ŭ Pałtavie choča adkryć spartyŭny kompleks imia Chabiba Nurmahamiedava. Heta jaho meta. Jon choča adkryć jaho za ŭłasnyja hrošy, kolki b na heta nie kaštavała. U Pałtavie i Machačkale choča adkryć spartyŭny kłub Eagles MMA. Chabib kazaŭ, što vielmi ŭdziačny ŭkrainskamu narodu za toje, što jamu tut dapamahali, kali było ciažka. Jon tut žyŭ, vystupaŭ i zaŭsiody kazaŭ, što Pałtava jamu vielmi padabajecca.
