Viadomy ijerarch Ukrainskaj pravasłaŭnaj carkvy Maskoŭskaha patryjarchata mitrapalit Pierajasłaŭ-Chmialnicki i Višnieŭski, były refierent ciapier niabožčyka mitrapalita Kijeŭskaha Uładzimira i staršynia Adździeła źniešnich carkoŭnych suviaziaŭ UPC MP mitrapalit Alaksandr (Drabinka) abviaściŭ siabie klirykam Kanstancinopalskaha patryjarchata.
«Na apošnim pasiadžeńni Kanstancinopalski patryjarchat admianiŭ pieradaču Kijeŭskaj mitrapolii Maskoŭskamu patryjarchatu. Z tych časoŭ my možam ličyć, što terytoryja Ukrainy źjaŭlajecca terytoryjaj adnoŭlenaj mitrapolii Kanstancinopalskaha patryjarchata. Ułasna, z hetaha momantu (paśla pryniaćcia takoha rašeńnia) my źjaŭlajemsia, na siońniašni dzień, duchoŭnymi Kanstancinopalskaj carkvy», — zajaviŭ mitrapalit Alaksandr u intervju internet-kanału «Hromadśkie Tielebačieńnia».
«Va ŭsich cerkvach raŭnaznačnyja pravasłaŭnyja tainstvy. Kazać, što vyratavańnie tolki ŭ RPC, źjaŭlajecca ŭ peŭnaj stupieni jeraśsiu», — adznačyŭ jon.
