Na minułym tydni aficyjnaja delehacyja z Ryhi naviedała viosku Tumiłavičy Dokšyckaha rajona. Tam pachavany milicyjanier Uładzimir Hamanovič.

«Dla siońniašnich łatyšskich palicejskich hetaje proźvišča źjaŭlajecca simvałam mužnaści i viernaści prysiazie, — skazaŭ načalnik dziaržaŭnaj palicyi Łatvii hienierał Ints Kiuzis. — Vaš ziamlak Uładzimir Hamanovič paśla zakančeńnia Ryžskaha fakulteta Minskaj škoły milicyi nios słužbu na achovie budynka MUS Łatvijskaj respubliki. U čas putča ŭ studzieni 1991-ha hoda, kali pačaŭsia šturm ministerstva amapaŭcami, jon nie pakinuŭ post i pry vykanańni słužbovych abaviazkaŭ zahinuŭ. Takim čynam, biełarus achviaravaŭ svaim žyćciom za niezaležnaść Łatvii. U Ryzie ŭstanoŭleny pamiatny kamień u honar mužnaści aficera milicyi Hamanoviča. Kožny palicejski Łatvii ličyć svaim honaram uskłaści kvietki da padnožža hetaha pomnika-simvała. My kvietki pryvieźli siońnia ŭ Biełaruś, na małuju radzimu hieroja. My dobryja susiedzi, i našy narody zaŭsiody buduć žyć u miry i zhodzie», — pieradaje słovy Kiuzisa hazieta «Rodnyja vytoki».

U 2010 za zasłuhi ŭ baraćbie za niezaležnaść Łatvii Uładzimir paśmiarotna ŭznaharodžany ordenam Vijestura. Va Uładzimira Hamanoviča zastałosia troje dziaciej — dźvie dački i syn. Na mohiłkach łatyšoŭ supravadžaŭ brat niabožčyka Stanisłaŭ Hamanovič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?