Zdareńnie adbyłosia na vulicy Alibiehava viečaram u piatnicu, paviedamlaje pres-słužba staličnaj milicyi.

Supracoŭniki milicyi na hetaj vulicy pravodzili rejd, skiravany na zatrymańnie asob, što majuć dačynieńnie da niezakonnaha abarotu narkotykaŭ. Raptam jany pačuli kryk mužčyny, jaki klikaŭ na dapamohu, a praź niejki čas kala žyłoha doma ŭbačyli dvuch mužčyn. Adzin ź ich uciakaŭ, druhi sprabavaŭ jaho zatrymać, chapajučy za ruki. Milicyjanty i zatrymali złodzieja.

Tak, paciarpieły raspavioŭ, što ŭ svajoj kvatery karmiŭ syna na kuchni, kali pačuŭ dziŭnyja huki ŭ vitalni. Pajšoŭ pravieryć, što robicca, i ŭbačyŭ nieviadomaha mužčynu, jaki šukaŭ niešta ŭ jaho sumcy. Ubačyŭšy haspadara, złamyśnik kinuŭsia biehčy. Mužčyna nie razhubiŭsia i kinuŭsia śledam.

Vyjaviłasia, što złačynca — 32-hadovy minčuk, što raniej pryciahvaŭsia da kryminalnaj adkaznaści za niezakonny abarot narkatyčnych srodkaŭ i kradziažy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?