Ad suboty ŭ Minsku ź vizitam znachodzicca Patryjarch Maskoŭski i ŭsioj Rusi Kirył. U niadzielu jon aśviaciŭ chram u honar Usich Śviatych i adsłužyŭ tam liturhiju.
Viernikaŭ, jakija pryjšli pahladzieć na toje, jak novy minski chram aśviačaje patryjarch, było niamała. Ale ŭnutr, prynamsi da siaredziny słužby, patrapić zmahli tolki tyja, u kaho byli zaprašalnyja bilety. Astatnija hladzieli słužbu z dvuch vialikich ekranaŭ, ustalavanych pa abodva baki ad centralnaha ŭvachodu ŭ chram. A voś unutry sabrałasia niamała viadomych ludziej, zaznačaje Tut.by.
Viktar Łukašenka, starejšy syn Alaksandra Łukašenki.
Staršynia Centrvybarkama Lidzija Jarmošyna i Leanid Hulaka, upaŭnavažany pa spravach relihij i nacyjanalnaściaŭ.
Ministr achovy zdaroŭja Valeryj Małaška.
Chakiejny trenier Michaił Zacharaŭ.
Niaźmienny lidar «Siabroŭ» Anatol Jarmolenka.
Niaźmienny viadučy «Pola cudaŭ» Leanid Jakubovič.
Nastajaciel chrama ajciec Fiodar Poŭny.
Miarkujecca, što ranicaj paniadziełka patryjarch Kirył sustreniecca z Alaksandram Łukašenkam, a potym voźmie ŭdzieł u Sinodzie RPC, na jakim, jak čakajecca, prahučać pahrozy ŭkrainskim pravasłaŭnym.