Sinod Ruskaj pravasłaŭnaj carkvy ŭ Minsku prachodzić u histaryčny momant dla pravasłaŭja ŭ rehijonie. Paśla taho jak Ukrainskaja carkva atrymaje niezaležnaść z ruk Usialenskaha patryjarchata, na toje samaje pa pravie moža raźličvać i Biełaruskaja.
Na fonie Ukrainy ideja ab biełaruskaj aŭtakiefalii, jakaja jašče hod tamu zdavalisia niečym fantastyčnym i tamu niedyskusijnym, nabyvaje całkam asiazalnyja formy.
U hałovach biełaruskaha kliru adbyvajecca revalucyja, u hety ž čas patryjarch maskoŭski prylataje siudy kab paznačać terytoryju i pahrazić ukrainskamu pravasłaŭju, jakoje ličyć «svaim».
Čytajcie: Pres-sakratar patryjarcha Kiryła: adkaz Sinoda nakont ukrainskaj aŭtakiefalii budzie žorstkim
Nakont patryjarcha Kiryła (Hundziajeva) u carkoŭnych kołach Biełarusi złasłoviać: kali ty nazyvaješ Ukrainu svajoj terytoryjaj, to čamu tady baišsia tudy pryjechać?
«Było b łahična, kali b u Kanstancinopali Kirył abmierkavaŭ z Varfałamiejem [Suśvietnym patryjarcham — Red.] jak razam vydać Ukrainie Tomas — heta b dazvoliła Maskvie zachavać tvar. A što jon zrabiŭ zamiest? Dakazvaŭ Varfałamieju, što ŭkrainskaja nacyja — navatvor, a tamu i carkva pavinna padparadkoŭvacca Maskvie. Heta soram», — kaža naša krynica ŭ carkoŭnych kołach.
Darečy, u Sinodzie RPC nie tolki što niama nivodnaha čałavieka, jaki b baraniŭ u im biełaruskuju pazicyju. Tam niama i nivodnaha biełarusa. Pravasłaŭnyja Biełarusi pradstaŭleny tam razanskim mitrapalitam, jaki za čatyry hady ni razu nie prademanstravaŭ evalucyi svaich pohladaŭ.
Čytajcie: Mitrapalit Pavieł: Biełaruskaja pravasłaŭnaja carkva — heta małaja častka Ruskaj pravasłaŭnaj carkvy
Niama i pryčyn dumać, što niekali ŭ budučyni jon stanie dla biełarusaŭ «svaim».
Tut Panamaroŭ praciahvaje zajmacca tym, čym zajmaŭsia ŭ ZŠA, Izraili ci Aŭstryi — prasoŭvaje intaresy Maskvy.
Pakazalna, što navat Łukašenka pierastaŭ sustrakacca ź mitrapalitam Paŭłam. Kali spačatku antypatyja vykazvałasia ŭ parušeńni pratakołu (na Rastvo Łukašenka mieŭ pravieści paŭhadziny ŭ Śviata-Duchavym sabory razam z Paŭłam, ale prabyŭ tolki 15 chvilin), to na Vialikdzień jon uvohule zapaliŭ śviečku razam z… mitrapalitam Fiłaretam, całkam praihnaravaŭšy Paŭła.
Zdajecca, Łukašenka admoviŭsia mieć sustrečy z Paŭłam i ŭ ramkach mierapryjemstvaŭ Sinoda.
Cikava, ci chopić u siońniašniaha kiraŭnika Biełarusi śmiełaści pastavić pytańnie pra toje, kab kiraŭnikom Biełaruskaha ekzarchata staŭ biełarus i kab biełaruskaja dziaržava taksama atrymała svaju samakiravanuju carkvu.
