14 kastryčnika na płošču Lenina ŭ Breście znoŭ vyjšli praciŭniki budaŭnictva akumulatarnaha zavoda. Siarod ich byŭ i apazicyjny palityk Mikałaj Statkievič. Jak paviedamlaje karespandent Tut.by, padčas akcyi jon byŭ zatrymany siłavikami.
Fota: Radyjo Svaboda.
Razam sa Statkievičam zatrymali videabłohieraŭ Siarhieja Piatruchina i Alaksandra Kabanava, jakija aśviatlajuć na svaim kanale «Narodny reparcior» situacyju z budaŭnictvam akumulatarnaha zavoda.
Pavodle papiaredniaj infarmacyi, ich adpravili ŭ Leninski RAUS Bresta.
Akramia taho, jašče da pačatku niesankcyjanavanaj akcyi na ŭjeździe ŭ horad zatrymali praciŭnika budaŭnictva zavoda Dźmitryja Biekaluka.
Akumulatarny zavod buduje na pramysłovaj placoŭcy «Aeraport» u svabodnaj ekanamičnaj zonie «Brest» TAA «AjPaŭer». Žychary Bresta i niekalkich viosak Bresckaha rajona ličać, što pradpryjemstva pahražaje ich zdaroŭju.
