Fota ABFF.
Futbalisty junijorskaj zbornaj Biełarusi (U-19) paciarpieli druhoje paražeńnie ŭ kvalifikacyi čempijanatu Jeŭropy ŭ šviejcarskim Bazieli, paviedamlaje BiełTA. U siońniašniaj sustrečy ź ispanskimi adnahodkami biełarusy prajhrali z bujnym likam 0:3.
U pieršym pajadynku kvalifikacyjnaj hrupy 12 biełaruskija futbalisty sastupili Šviejcaryi 0:1. Zbornaja Biełarusi straciła šancy na vychad u nastupny raŭnd adboru.
U zaklučnym matčy turniru kamanda Kiryła Alšeŭskaha 16 kastryčnika zhulaje z Andoraj.
Turnirnaje stanovišča: Ispanija - 6 ačkoŭ (2 matčy), Šviejcaryja - 3 (1), Biełaruś - 0 (2), Andora - 0 (1). U elitny raund kvalifikacyi jeŭrapieršynstva vyjduć pa dźvie lepšyja kamandy z 13 hrup, jakija dałučacca da zbornych Niamieččyny i Partuhalii. Finalny etap junijorskaha čempijanatu Staroha Śvietu projdzie ŭ lipieni 2019 hoda na stadyjonach Armienii.
