Alaksandr Łukašenka nakiravaŭ vinšavańnie pracaŭnikam kultury ŭ suviazi z prafiesijnym śviatam. Pra heta BiełTA paviedamili ŭ pres-słužbie kiraŭnika dziaržavy.
Alaksandr Łukašenka adznačyŭ, što biełaruskaja nacyjanalnaja kultura — mocny padmurak, na jakim hruntujecca mientalny stryžań sučasnaha hramadstva.
«Vy nie tolki bieražliva zachoŭvajecie tradycyi prodkaŭ, ale i stvarajecie svajoj paŭsiadzionnaj pracaj novyja płasty duchoŭnaj i materyjalnaj spadčyny. Pośpiechi najlepšych biełaruskich mastakoŭ, piśmieńnikaŭ, kampazitaraŭ, artystaŭ, jakija ŭsłavili našu Ajčynu, źjaŭlajucca prykładam dla maładoha pakaleńnia, krynicaj natchnieńnia dla novych dasiahnieńniaŭ», — havorycca ŭ vinšavańni.
Łukašenka padkreśliŭ, što kultura i duchoŭnaść - harantyja stabilnaści i roskvitu dziaržavy, a aktyŭnaja hramadzianskaja pazicyja rabotnikaŭ kultury adyhryvaje vyklučna važnuju rolu ŭ farmiravańni budučyni krainy.
