U Biełarusi da 2021 hoda ŭklučna płanujecca raźmiaścić 431 elektrazaradnuju stancyju. Heta praduhledžana prahramaj stvareńnia dziaržaŭnaj zaradnaj sietki dla zaradki elektramabilaŭ, zaćvierdžanaj pastanovaj Savieta Ministraŭ ad 10 kastryčnika 2018 hoda №731, paviedamlaje BiełTA.
Prahrama nakiravana na stvareńnie ŭ Biełarusi raźvitoj sietki zaradnych stancyj dla jakasnych i dastupnych pasłuh pa zaradcy elektramabilaŭ. Prahramu płanujecca realizavać u try etapy.
Pieršy etap, jaki budzie ažyćciaŭlacca da 2021 hoda ŭklučna, praduhledžvaje raźmiaščeńnie 431 zaradnych stancyj u Minsku i najbolš pryjarytetnych miescach u abłasnych centrach i na aŭtadarohach katehoryj M i M/Je.
Druhi etap praduhledžana realizavać u 2022-2025 hadach pry ŭmovie pavieličeńnia kolkaści elektramabilaŭ da bolš čym 10 tysiač. Realizacyja treciaha etapu zapłanavana na 2026-2030 hady z ulikam pavieličeńnia kolkaści adzinak elektratranspartu da bolš čym 25 tysiač.
Usiaho ž u Biełarusi da 2030 hoda praduhledžana stvareńnie 1304 zaradnych stancyj, u tym liku 1224 u nasielenych punktach i 80 na ŭsich asnoŭnych aŭtamahistralach z adlehłaściu pamiž dźviuma najbližejšymi stancyjami 50-70 kiłamietraŭ.
Miarkujecca taksama ŭstanoŭka 25 supierchutkich elektrazaradnych kompleksaŭ u Minsku i haradach abłasnoha padparadkavańnia, na asnoŭnych aŭtamahistralach z adlehłaściu pamiž dźviuma najbližejšymi stancyjami 120-150 km.
