Vogue
Łaŭreatam premii «Novaj akademii» Šviecyi, jakaja pazicyjanujecca jak alternatyva Nobieleŭskaj premii pa litaratury, stała francuzskaja piśmieńnica Maryz Kande, paviedamlaje NY Times.
Žury adznačyła jaje knihi za apisańnie «žachaŭ kałanijalizmu i chaosu postkałanijalizmu».
Nobieleŭski kamitet u 2018 hodzie premiju pa litaratury nie ŭručaŭ z-za skandału ŭ Šviedskaj akademii: muža adnoj z členaŭ akademii zapadozryli ŭ raskryćci imionaŭ budučych łaŭreataŭ, a taksama ŭ seksualnych damahańniach.
Maryz Kande (dziavočaje Bukałon) naradziłasia na Hvadełupie ŭ 1937 h. Vučyłasia ŭ paryžskim Licei Fieniełona, zatym u Sarbonie. Vykładała ŭ Hviniei, Hanie, Sieniehale, Francyi, ZŠA (u Kałumbijskim univiersitecie, da 2004, inšych amierykanskich univiersitetach), pracavała jak žurnalist.
Uznačalvała Kamitet pamiaci pra rabstva, zasnavany ŭ Francyi ŭ 2004 h. Pa jaje prapanovie z 2006 hoda 10 maja ŭ Francyi adznačajecca jak Dzień pamiaci ab rabstvie.
