Niadaŭna «Moładź BNF» abvieściła pra pačatak kampanii «Bilet na toj śviet», za hetaj nazvaj chavajecca žadańnie «pakazać ludziam, što nasamreč adbyvajecca ŭ našym vojsku, spynić dziedaŭščynu i danieści da ludziej nieabchodnaść uviadzieńnia kantraktnaha vojska».
Aktyvisty płanujuć pravodzić pierformansy i kruhłyja stały.
«U suviazi z tym, što ŭ apošni čas pačaścilisia vypadki hvałtu dy zabojstvaŭ u vojsku, my pačynajem hetuju kampaniju. Asnoŭnaj metaj my stavim vyklikać hramadski rezanans, pryciahnuć uvahu hramadstva i zrabić tak, kab pra heta razmaŭlali nie tolki kali pamre novy chłopiec. Kolki jašče pavinna zahinuć chłapcoŭ, pakul ludzi pierastanuć maŭčać?» — kazaŭ staršynia Moładzi BNF Dzianis Mandzik.
U adkaz na zakidy «Moładzi BNF» Ministerstva abarony vydała tekst, u jakim zaŭvažaje, što kolkaść suicydaŭ u biełaruskim vojsku ŭ piać razoŭ mienšaja čym u vojsku ZŠA, a pra «zabojstvy», maŭlaŭ, u arhanizacyi ŭvohule zahnuli.
Aŭtar artykuła — pałkoŭnik Uładzimir Makaraŭ.
Jon iranizuje, što pakul što vyhladaje małaimaviernym, što ŭ samoha staršyni «Moładzi BNF» Dzianisa Mandzika atrymajecca pakazać realii słužby ŭ vojsku, bo toj, maŭlaŭ, nie padychodzić pa stanie zdaroŭja.
Taksama Makaraŭ z pryviadzieńniem šerahu prykładaŭ piša, što maładyja palityčnyja aktyvisty čamuści nie prahnuć u vojska.
