Alaksandr Łukašenka i Uładzimir Pucin pierad plenarnym pasiadžeńniem V Forumu rehijonaŭ praviali dvuchbakovuju sustreču, paviedamlaje BiełTA.
president.gov.by
«Jak i damaŭlalisia, my ćviorda vykonvajem zapłanavanaje ŭ pačatku hoda», — skazaŭ biełaruski kiraŭnik.
Jon adznačyŭ, što ciapierašniaja sustreča dla prezidentaŭ Biełarusi i Rasii nie apošniaja sioleta. Jašče majuć adbycca kantakty ŭ ramkach mižnarodnych samitaŭ u Astanie i Maskvie.
Łukašenka ciopła vitaŭ Pucina ŭ Mahilovie, adznačyŭšy, što hety horad nie tolki biełaruski, ale i rasijski, bo znachodzicca pablizu rasijskaj miažy na ŭschodzie Biełarusi.
«Zaŭsiody rady bačyć vas tut. Mnohaje zroblena dla hetaha Forumu rehijonaŭ. Pryjazdžajcie ŭ luby čas», - zaprasiŭ biełaruski kiraŭnik.
U svaju čarhu Uładzimir Pucin padziakavaŭ kiraŭniku biełaruskaj dziaržavy za zaprašeńnie, pradmietnuju arhanizacyju sumiesnaj pracy na forumie.
Jon vykazaŭ upeŭnienaść, što mierapryjemstvy i vyniki sustreč na forumie buduć vielmi karysnymi. Pucin padkreśliŭ, što realizacyja damoŭlenaściej na najvyšejšym uzroŭni moža być paśpiachovaj tolki tady, kali dapaŭniajecca efiektyŭnaj pracaj na rehijanalnym uzroŭni. «Pramych i efiektyŭna arhanizavanych kantaktaŭ sapraŭdy vielmi šmat», - skazaŭ rasijski lidar.
Pucin taksama źviarnuŭ uvahu na dobraŭparadkavańnie Mahilova, nazvaŭšy jaho pryhožym, i adznačyŭ u hetym płanie zasłuhi kiraŭnictva horoda.
