Litaraturnuju premiju imia Ježy Hiedrojca ŭručyli ŭ Minsku ŭčora.
Hałoŭny pryz atrymaŭ Uładzimir Arłoŭ z knihaj «Tancy nad horadam» — «za adradžeńnie mistyčnaj tradycyi ŭ biełaruskaj prozie XXI stahodździa», jak sfarmulavała žury.
Łaŭreatam premii II stupieni «za paśpiachovaje ŭkaranieńnie jeŭrapiejskaj kulturnaj tradycyi ŭ biełaruski litaraturny praces» staŭ Alhierd Bacharevič z knihaj «Sabaki Eŭropy».
Treciuju premiju «za raźvićcio śmiechavoj kultury ŭ sučasnaj biełaruskaj litaratury» kalehija žury prysudziła Vincesiu Mudrovu za knihu «Zabojca anioła».
Sioleta na premiju Hiedrojca pretendavali aŭtary 32 knih. Akramia łaŭreataŭ u šort-list konkursu ŭvajšli Adam Hłobus z knihaj «Siamja», Pavieł Sieviaryniec z knihaj «Biełarusalim» i Anka Upała z knihaj «Na zaśniežany Vostraŭ».
Usie hetyja vydańni možna znajści ŭ kniharni «Akademičnaja kniha» (pr.Niezaležnaści, 72).
RUP «Akademičnaja kniha». UNP 101462648
