Da niadaŭniaha času horad Mahiloŭ ustojliva asacyjavaŭsia z savieckaj pravincyjaj. «Lova z Mahilova», — žartaŭliva źviartalisia da žycharoŭ horada. Ale mietamarfozy, jakija adbylisia z horadam na praciahu apošniaha dziesiacihodździa, uražvajuć. Na siońniašni dzień Mahiloŭ staŭ adnym z samych cikavych abjektaŭ biełaruskaha turyzmu. Naviedać jaho zaprašaje fond «Kraina zamkaŭ». U dadatak udzielniki ekskursii zmohuć prahulacca pa staražytnym Mścisłavie i naviedać Uśpienski manastyr u Pustynkach.
U Mahilovie hości zmohuć ubačyć adnoŭlenuju ratušu XVIII stahodździa, u jakoj raźmiaściŭsia muziej, zabudovu vulicy Lenina XVIII— p. XX stahodździa, unikalnyja Śviata-Mikolskuju carkvu XVII stahodździa i kaścioł Sv. Stanisłava XVIII stahodździa ź dzivosnymi rośpisami.
Dalejšaja daroha — na ŭschod, da staradaŭniaha Mścisłava.
U svoj čas jon byŭ i centram udzielnaha kniastva, i vajavodskim centram u składzie Vialikaha Kniastva Litoŭskaha. U vyniku vajennych lichalećciaŭ siaredziny XVII stahodździa horad abiaźludnieŭ, palmu pieršynstva ŭ Padniaproŭi pierachapiŭ susiedni Mahiloŭ. Ab byłoj vieličy Mścisłava kažuć chramy: staradaŭni karmielicki kaścioł XVII stahodździa, što pad zamkavymi vałami, jezuickaja śviatynia ŭ centry horada. Vydatnyja vidy adkryvajucca ź mścisłaŭskaha zamčyšča.
Za dziesiać kiłamietraŭ ad Mścisłava i za piaćsot mietraŭ ad rasijskaj miažy raźmiaściŭsia staradaŭni Pustynkaŭski manastyr, viadomy jašče z pačatku XV stahodździa. Pieršaja zhadka pra śviatyniu źviazana z cudoŭnym vylačeńniem kniazia Łuhviena, syna vialikaha kniazia litoŭskaha Alhierda.
Kožny dzień siudy pryjazdžajuć pałomniki, kab dakranucca da śviatyni.
Zapisacca ŭ vandroŭku pa starych vajavodskich centrach Padniaproŭja možna, patelefanavaŭšy:
(17) 203-69-70
(17) 226-03-02
(29) 682-58-07
(29) 772-77-58
Bolej infarmacyi — na sajcie www.zamak.by.
Fond «Kraina zamkaŭ». UNP 690382807
