Stancyja Voyager 2, mahčyma, nabliziłasia da miežaŭ Soniečnaj sistemy, paviedamlaje NASA.
Da takich vysnoŭ navukoŭcy pryjšli, praanalizavaŭšy danyja z navukovaha instrumienta CRS (Cosmic Ray Subsystem) kaśmičnaha aparata. Prybor u pieryjad z pačatku pa kaniec žniŭnia zarehistravaŭ pavieličeńnie enierhii kaśmičnych pramianioŭ, jakija dasiahajuć Voyager 2, prykładna na piać pracentaŭ.
Anałahičnaja źjava nazirałasia ŭ mai 2012 hoda, za try miesiacy da taho, jak stancyja Voyager 1 pierasiekła hielijapaŭzu, apynuŭšysia ŭ mižzorkavaj prastory.
Ciapier Voyager 2 znachodzicca na adlehłaści kala 17,7 miljarda kiłamietraŭ ad Ziamli (u 118 razoŭ bolš za adlehłaść pamiž našaj płanietaj i Soncam).
Kaśmičnyja aparaty Voyager 1 i Voyager 2 identyčnyja, startavaja masa adnoj stancyi — 815 kiłahramaŭ.
Voyager 2 startavaŭ u žniŭni 1977 hoda na 16 sutak raniej za Voyager 1. Aparaty, akramia navukovaha abstalavańnia, niasuć pasłańni ad čałaviectva mahčymym inšapłanietnym cyvilizacyjam.
