Rasijskaje HRU za apošni hod praviało niekalki napadaŭ u kibierprastory Łatvii, u tym liku suprać dziaržustanoŭ, źviazanych z abaronnym siektaram i MZS. Pra heta zajaviła łatvijskaje Biuro pa abaronie Kanstytucyi, paviedamlaje Delfi.
Kibierataki na Łatviju pravodzilisia z raźviedvalnaj metaj. Asnoŭnaj mišeńniu byli dziaržaŭnyja orhany, ale pad pryceł patrapili i pryvatnyja pradpryjemstvy, i ŚMI. Chakiery sprabavali patrapić ŭ infarmacyjnyja sistemy, kab zatym zahružać danyja — u pieršuju čarhu pierapisku i dakumienty.
U toj ža čas u Biuro zajavili, što sprobaŭ umiašacca ŭ łatvijskija parłamienckija vybary, jakija adbylisia na minułym tydni, zamiežnyja śpiecsłužby nie rabili.
Samaja maštabnaja kibierataka na dziaržaŭnyja orhany Łatvii adbyłasia ŭ kancy 2016 hoda, kali virus byŭ zamaskiravany pad kaladnaje vinšavańnie.