Niadaŭna dziaržava abjaviła konkurs na najlepšuju architekturnuju kancepcyju budynka miedyjacentra dla raźmiaščeńnia telekanałaŭ, jaki pavinien raskinucca na płoščy bolš za try hiektary. Jak akazałasia, dla jaho budaŭnictva vyznačyli placoŭku ŭ prestyžnym miescy — nasuprać Banka raźvićcia na bierazie Śvisłačy. Praŭda, dziela miedyjacentra treba źnieści spartkompleks «Dynama».
Jandeks-karta
Pabudavać u Minsku vialiki miedyjacentr dla telekanałaŭ Łukašenka paabiacaŭ na sustrečy z kiraŭnictvam dziaržaŭnych ŚMI ŭ krasaviku. A ŭžo ŭ kastryčniku abviaścili konkurs na najlepšuju architekturnuju kancepcyju hetaha budynka.
Jon pavinien składacca ź niekalkich asobnych karpusoŭ, źviazanych pamiž saboj servis-častkaj. Tam pavinien raźmiaścicca ŭ tym liku pres-centr na 200 miescaŭ, pamiaškańnie dla zdymak płoščaj 1500 «kvadrataŭ», pamiaškańni dla zdymak płoščaj 800 «kvadrataŭ» i inšyja abjekty. Vyšynia budynka — nie bolš za 30 mietraŭ. Źmiaścić usie nieabchodna na terytoryi 3,5 hiektara. Ale dzie ž znajści stolki svabodnaj ziamli ŭ centry Minska?
Miedyjacentr treba raźmiaścić u miežach čyrvonych linij. Jak bačym, pabudavać na hetym učastku abjekt na 3,5 hiektara niemahčyma, nie źniosšy spartkompleks «Dynama». Malunak z sajta Ministerstva infarmacyi
Na sajcie Mininfarma dla raźmiaščeńnia miedyjacentra ŭkazany ŭčastak u miežach Mašerava — Daŭmana i Śvisłačy. Kankretnaj łakacyi tam nie paznačana. U Ministerstvie infarmacyi skazali, što infarmacyja ab konkursie na ich sajcie - vyčarpalnaja.
Jak paćvierdziŭ TUT.BY infarmavany surazmoŭca, miedyjacentr miarkujecca budavać na miescy spartkompleksu «Dynama», dzie ciapier prachodziać u tym liku knižnyja kirmašy. Heta značyć, što zbudavańnie treba źnieści.
Dyrektar spartkompleksu «Dynama» Piotr Šlažko skazaŭ, što nie ŭ kursie pra mahčymy znos. Jaho ab hetym u viadomaść nichto nie staviŭ.
Mahčymyja miežy ŭčastka. Malunak: Jandeks-karty
