Tryumfalnaja arka, jakaja raźmieščanaja na ŭjeździe ŭ Mahiloŭ ź mienskaha kirunku, zajmieła nadpis na biełaruskaj movie. Z abodvuch bakoŭ na viersie arki raźmieščanaje biełaruskamoŭnaje pryśviačeńnie: «Stvaralnikam Mahilova ŭ honar 750-hodździa horada», piša narodny.org.
Siońniašni vyhlad arki, fota Radyjo Svaboda
Pavodle pieršapačatkovych prajektaŭ, jakija byli pradstaŭlenyja ŭładami hramadzkaści, usie nadpisy na arcy było zapłanavana vykanać na ruskaj movie.
Heta vyklikała spraviadlivaje abureńnie ludziej. Partyja BNF nakiravała ŭ mahiloŭski harvykankam zvarot z patrabavańniem pierahledzieć prajekt u nakirunku vykarystańnia ŭ azdableńni arki biełaruskaj movy i biełaruskich nacyjanalnych tradycyjaŭ: «Mahiloŭ — biełaruski horad, i vitać haściej jon pavinien pa-biełarusku» — padkreśliła partyja ŭ svaim zvarocie.
Jak paviedamiŭ staršynia Partyi BNF Ryhor Kastusioŭ, pierahlad vyjavy arki staŭsia vynikam supolnych namahańniaŭ hramadzkaści:
«Naohuł, hetaja zabudova vyklikaje supiarečlivyja mierkavańni — šmat chto z mahilaŭčan ličyć, što hetaja arka horadu nie vielmi i patrebnaja, što jana zanadta darahaja i nasamreč jość niepatrebnaj «cackaj». Ale dla nas, dla BNF, asabliva aburalnym było toje, što vonkava azdableńnie abjekta pavodle prajekta było vykanana na ruskaj movie. Jak byccam by, pryjazdžajučy ŭ Mahiloŭ z boku Miensku, vy zajazdžajecie ŭ niejki rasiejski horad.
Ja razmaŭlaŭ z čynoŭnikami na hety kont, atrymałasia padklučyć da hetaha pytańnia deputata parłamienta Ihara Marzaluka, jaki, jak mahiloŭski historyk, padtrymaŭ našuju pazycyju. U vyniku majem peŭny pośpiech. Abjekt, kaniešnie, atrymaŭsia, jak na moj pohlad, vielmi eklektyčny: na im aficyjny hieraldyčny symbal, hierb Mahilova, što źmiaščaje «Pahoniu», raźmieščany pa-nad uznaharodami savieckaha času z sastarełaj kamunistyčnaj atrybutykaj. Darečy, zastajecca niezrazumiełym raźmiaščeńnie na abjekcie ordena z vyjavaj Lenina — takoj uznaharody horad Mahiloŭ navat u savieckija časy nie mieŭ (budziem na hety kont padavać asobny zvarot). Takim čynam, vyjava hetaj arki jość prajaŭleńniem niepaśladoŭnaści i pałavinistaści ŭ ideałohii ciapierašniaj biełaruskaj diaržavy. Ale, prynamsi, arka azdoblenaja na biełaruskaj movie i nie budzie adčuvańnie, što, pryjazdžajučy ŭ Mahiloŭ, vy zajazdžajecie ŭ niejki Čalabinsk», — skazaŭ Ryhor Kastusioŭ.
Vyhlad arki pavodle pieršapačatkovaha płana.
