Fota: Flickr
U horadzie Manfor-ł'Amary pad Paryžam prajšło pachavańnie kampazitara i šansańje Šarla Aznavura. Pra heta 6 kastryčnika paviedamlaje «Fantanka.ru» sa spasyłkaj na francuzski telekanał CNews.
Paśla panichidy, jakaja prajšła ŭ armianskim chramie, znakamitaha śpievaka pachavali ŭ hranitnym sklepie, dzie pachavanyja baćki Aznavura i adzin ź jaho synoŭ.
Raźvitacca pryjechali prezident Armienii Armen Sarkisian i premjer Nikoł Pašynian.
Śpiavak pamior 1 kastryčnika va ŭzroście 94 hadoŭ. U hety dzień Ejfielevu viežu ŭ pamiać Aznavura padśviatlili zołatam, pobač ź joj na vielizarnym ekranie pakazvali fatahrafii vykanaŭcy, hučali jaho samyja viadomyja pieśni.
Šarl Aznavur — śpiavak, aŭtar piesień i akcior armianskaha pachodžańnia. Jon napisaŭ bolš za 1300 piesień i zdymaŭsia ŭ šaści dziasiatkach karcin. Pieśnia Aznavura «Viečnaje kachańnie», jakaja prahučała ŭ karcinie «Tehieran-43», stała ŭ SSSR chitom, jaki pierapiavać mnohija artysty.
