Prakuratura Babrujska paviedamiła pra vyniki pravierki pa rezanansnaj spravie.
Siłaviki analizavali abstaviny, jakija spryjali zabojstvu dźviuch žančyn u lipieni 2018 hoda. Žančyny zvanili z vannaj i prasili dapamohi, ale ŭkazali niapravilny adras.
Čytajcie: U Babrujsku zabili dźviuch žančyn. Jany patelefanavali ŭ milicyju, ale vyratavać ich nie paśpieli
Prakurorskaja pravierka pajšła dalej i vyśvietliła, jak ažyćciaŭlaŭsia prafiłaktyčny ŭlik. Zabojca byŭ pastaŭleny na ŭlik u vieraśni 2017 hoda na 8 hadoŭ. Ale realna amal nijakaj pracy milicyja nie viała.
U vyniku zabojca pierajechaŭ žyć da znajomaj na piać miesiacaŭ, až da dnia trahiedyi, — i pra heta nichto navat nie zdahadvaŭsia.
Jak paviedamlaje prakuratura, babrujskija milicyjanty «pryciahnuty da dyscyplinarnaj i materyjalnaj adkaznaści». Kankretnaje pakarańnie nie ŭkazvajecca.
0
0
0
0
0
0
