Miesiac spatrebiŭsia apieratyŭnikam, kab vyśvietlić padazravanuju ŭ kradziažy 18000 dalaraŭ ZŠA i 400 biełaruskich rubloŭ z doma piensijanierki, jakaja žyvie ŭ Žłobinie.
U vieraśni žančyna vyjšła z doma ŭ aharod, a dźviery na zamok nie začyniła. Kali viarnułasia ŭ žyllo, zrazumieła, što ŭ domie pabyvaŭ niechta čužy. Jana pravieryła svaju schovanku z hrašyma, ale nie znajšła ich tam. Pa dapamohu piensijanierka źviarnułasia ŭ milicyju.
Praź miesiac supracoŭniki kryminalnaha vyšuku zatrymali žycharku Žłobina 1985 hoda naradžeńnia. Častku vykradzienych hrošaj, 14350 dalaraŭ ZŠA, kanfiskavali i viarnuli paciarpiełaj. Raspačali kryminalnuju spravu pa artykule 205 KK Biełarusi.
