Alaksandr Łukašenka raskazaŭ siońnia žurnalistam pra svaje padychody da vychavańnia dziaciej i pryznaŭsia — jon rady tamu, što jaho syny nie stali pradstaŭnikami «załatoj moładzi», paviedamlaje BiełTA.
«Ja vielmi rady, što jany nie stali załatoj moładździu, jak modna ciapier kazać», — skazaŭ kiraŭnik dziaržavy.
«Ja dumaju, što vy pavierycie ŭ maju ščyraść, tamu što vy maich dziaciej nidzie «raspalcavanymi» nie bačycie. A kali bačycie — skažycie, navat napišycie. Ja imhnienna adreahuju, — zapeŭniŭ Łukašenka. — Ja ich pryvučaju žyć tak, jak žyviacie vy, jak žyvuć prostyja ludzi».
Kiraŭnik dziaržavy raskazaŭ, što kožny ź jaho starejšych synoŭ uziaŭ pad svajo kryło navučalnuju ŭstanovu i dapamahaje napiaredadni navučalnaha hoda.
