Pra zatrymańnie Michaiła Chananašvili, bolš viadomaha jak «Nika Izrailski», paviedamiła rasijskaje vydańnie «Rosbałt». «Niku» zatrymali ŭ Biełarusi 5 kastryčnika, kali jon viartaŭsia z Maskvy.
Michaiłu Chananašvili 46 hadoŭ. Jon jaŭrej, rodam z Hruzii, naradziŭsia ŭ Kutaisi. Ale jašče ŭ pačatku 1990-ch pierabraŭsia ŭ Izrail. Tam jon padtrymlivaje ščylnyja znosiny z vychadcami z SSSR, jakija zanialisia biznesam. Ličycca, što «Nika» złodziej u zakonie numar 1 u Izraili. Jon zaŭsiody vyznačaŭsia aściarožnaściu, nie lez u vojny i razborki.
U Maskvie, jak piša «Prajm-Krajm», Chananašvili byŭ hościem na jubilei inšaha złodzieja ŭ zakonie, Eduarda Asatrana, taksama viadomaha jak «Asietryna». U kancy vieraśnia «Asietryna» śviatkavaŭ 50-hodździe, kudy zaprasiŭ vialikuju kolkaść kryminalnych aŭtarytetaŭ sa ŭsioj postsavieckaj prastory.
U rasijskuju stalicu Chananašvili dabiraŭsia praź Biełaruś, kab nie pryciahvać zališniaj uvahi. I voś u ŚMI źjaviłasia infarmacyja, što biełaruskija siłaviki zatrymali «Niku». Praŭda, pryčyny zatrymańnia pakul nie ahučvajucca.
Darečy, heta nie pieršaja historyja z zatrymańniem złodziejaŭ u zakonie biełaruskimi siłavikami. U studzieni ŭ minskim aeraporcie zatrymali inšaha aŭtaryteta. Hieła Kardava («Hieła Halski») paśla byŭ pryznany vinavatym u vykarystańni padroblenych dakumientaŭ i atrymaŭ 3 hady kałonii.
