Darahija aziaryki!
Hetak my źviartajemsia da svaich ziemlakoŭ — tych, chto naradziŭsia ŭ vioscy Aziaryčyna (a taksama ŭ Tavarskich, Rečkach, Astraŭkach, Machoŭcy, Vialikaj Łuce, Kucharaŭcy, Budzionaŭcy i Vierabjoŭcy) Puchavickaha rajona, abo tych, čyje baćki i dziady pachodziać adtul. My, Źmicier i Juraś Sańko, vypuskniki Aziaryčynskaj škoły 1966 hoda, rychtujem knihu pra našu rodnuju viosku. Jana budzie źmiaščać raznastajny materyjał: vyniki archieałahičnych daśledavańniaŭ; histaryčny narys; pieśni, jakija śpiavali našyja prodki; mikratapanimiku vioski i navakolla; tradycyjnyja imiony; słoŭnik aziaryckaj havorki; śpis achviaraŭ represij 30—40-ch hadoŭ, a taksama źviestki, jakija dapamohuć skłaści svoj radavod kožnamu z vas, chto hetym cikavicca.
Chočam, kab kniha była nie tolki źmiastoŭnaj, ale i cikavaj. Ale nam nie staje ilustracyjnaha materyjału. Tamu prosim vas dapamahčy ŭ hetaj spravie: pierahledzieć siamiejnyja fotaarchivy i vybrać staryja fatazdymki. Nas cikaviać u asnoŭnym davajennyja i darevalucyjnyja. Heta mohuć być nie tolki zvyčajnyja siamiejnyja zdymki, ale i fatahrafii tych, chto słužyŭ u carskaj armii, byŭ na prymusovaj pracy ŭ Hiermanii abo źjechaŭ u Amieryku. Moža, u kaho zachavalisia staryja zdymki daŭniejšych chat, ich interjeraŭ, haspadarčych pabudoŭ, młyna, jaki stajaŭ na Pcičy, staroha mosta, hatara, budaŭnictva HES (hidraelektrastancyi), pracy ŭ poli na žnivie, na sienakosie, śviatkavańnia Vialikadnia, Kaladaŭ i h. d.
Unijackaja kaplica na starych aziaryckich mohiłkach, pabudavanaja ŭ 1813 hodzie. Zdymak 1910 h.
Fatahrafii abaviazkova pavinny być padpisanyja. Kali zdymak hrupavy, treba pieraličyć asobaŭ (źleva naprava): proźvišča, imia i imia pa-baćku,a taksama, kali viedajecie, — jak zvali čałavieka pa-vuličnamu, pa-viaskovamu (naprykład, Jarmołavy, Kryśkavy, Mamiekavy, Babieńkavy). Kaniečnie treba paznačyć i hod. Kali hod nieviadomy, to chacia b pryblizny čas.
Zdymki treba prysyłać u skanavanym vyhladzie z razroźnieńniem 600 dpi na elektronny adras: [email protected]. Kali vy nie majecie mahčymaści skanavać, možacie pieradać sami fatahrafii. U takim razie telefanujcie Źmitru Sańko: 8044—752-86-85 vel.; 8029—185-05-28 vel.; 243-19-40 harad. (u Minsku) abo Ludmile Bialevič: 8029—345-93-60 vel. (u Aziaryčynie). Kali vy žyviacie ŭ inšym horadzie, zdymki možna pasłać taksama pa pošcie zakaznym listom na adras: 220007, h. Minsk, vuł. Laŭkova, d. 19, p. 2N («Technałohija»). Usie aryhinały zdymkaŭ abaviazujemsia viarnuć.
Jašče adna prośba. My šukajem partret Hanny Chviedaraŭny Lapioški (Hanny Šajbakovaj), 1916 h. n. (jana pamierła ŭžo, ale my, na žal, navat nie viedajem, kali i dzie jana pachavana). U 1997 hodzie my zapisvali ad jaje i jejnaj siastry, Maryi Chviedaraŭny Ładućki (Mańki Kryśkavaj), aziaryckija pieśni. Jaje dom stajaŭ niedaloka ad novaj škoły. Moža, chto-niebudź z svajakoŭ, siabroŭ ci byłych kalehaŭ maje zdymak, dzie jana sfatahrafavana asobna abo ŭ kampanii? Budziem vielmi ŭdziačnyja za dapamohu.
