Usie my ź dziacinstva čuli ad našych mam adny i tyja ž nadakučlivyja zaŭvahi: «Nie horbisia, siadź roŭna, nie padpiraj baradu». U škole nastaŭnica taksama ŭvieś čas prasiła nie tykacca nosam u sšytak. Užo potym pryjšło razumieńnie, što tak darosłyja kłapacilisia pra našu pastavu, śpinu.

Ciapier, pastaleŭšy, my ŭžo sami zadumvajemsia, jak zachavać zdaroŭje ŭłasnych dziaciej. Ź jakoha ŭzrostu asabliva sačyć za pastavaj, jak padabrać pravilnuju meblu, u jaki sport addać, a ad jakoha adhavaryć, kab paśla im nie daviałosia mučacca praz skalijoz?

Znajści adkazy na hetyja pytańni nam dapamahła dziciačy artapied miedycynskaha centra «Łade» Natalla Ščołakava.

«Pieršaje, što treba viedać baćkam: pastava pačynaje farmiravacca tady, kali dzicia ŭpieršyniu sieła abo stała viertykalna. U apošnija hady zachvorvańni śpiny vielmi pamaładzieli. Skalijoz pačaŭ raźvivacca ŭ bolš rannija hady i ŭ bolš ciažkaj formie. Źviazana heta ź vialikaj kolkaściu nahruzak na dziaciej. Ich śpiašajucca raniej pasadzić, chočuć, kab jany raniej pajšli, potym addajuć u roznyja škołki rańniaha raźvićcia, u sport. Da ŭsiaho dzieci šmat času pravodziać za kampjutaram, nie biez hetaha», — raspaviadaje Natalla Ščołakava.

Farmiravańniem pastavy i zdarovaj śpiny treba zajmacca faktyčna ad samaha naradžeńnia dziciaci, ličyć doktar.

«Baćki abaviazany dapamahčy jamu pravilna raźvivacca, abaviazany sačyć za pieryjadam, kali jano pačnie trymać hałoŭku, poŭzać. Svoječasova jaho sadzić. Kožnaje dzicia asablivaje, kožnaje pačynaje chadzić tady, kali jaho myšcy śpiny hatovyja trymać chrybiet u viertykalnym stanie. Baćkam nie treba śpiašacca stavić dzicia na nožki. Kali dzicia samo budzie stajać la apory i sprabavać adryvać ručki, voś tady možna jamu dapamahčy, vadzić jaho», — adznačaje dziciačy artapied.

Pastava farmirujecca i ŭ čas, kali dzicia pačynaje hulać na padłozie z cackami, z kanstruktaram, malavać za stolikam.

«U hety jasielny pieryjad baćki pavinny sačyć, kab dzicia nie nachilała korpus mocna napierad, kab nie zavalvałasia na adzin bok, kab nie padkładała nožki abo nožku pad popu», — dadaje Natalla Ščołakava.

Na fotazdymkach pakazanaja mebla novaha pakaleńnia, vyšyniu jakoj možna rehulavać, aryjentujučysia na rost dziciaci. U Biełarusi takuju možna adšukać u kramach «Mebla, jakaja raście». 

Ale jak źbierahčy zdaroŭje dziciaci, kali jano idzie ŭ škołu i pačynaje ŭsio bolš času pravodzić za partaj ci doma za stałom?

«U jaho pavinna być pravilna abstalavana pracoŭnaje miesca, dzie budzie zručna rabić uroki, zajmacca tvorčaściu. Stoł dziciaci musić być pravilnaj formy, nijakija dekaratyŭnyja elemienty nie pavinny pieraškadžać», — adznačaje śpiecyjalist.

Varta źviarnuć asablivuju ŭvahu na party z nachiłam. Choć ich prydumali jašče ŭ 19 stahodździ, na siońnia ničoha lepšaha, kab zachavać zdarovuju śpinu i vočy dziciaci, niama. Pažadana abirać partu, dzie vuhał nachiłu stalnicy rehulujecca ad 0 da 16 hradusaŭ. Za stałom biez rehulavańnia dzicia pačynaje horbicca, sprabujučy nablizić vočy da sšytka ci knihi.

Na sajcie sietki kramaŭ «Mebla, jakaja raście», bahaty vybar part, dzie rehulujucca vuhał nachiłu stalnicy i vyšynia stała.

Što tyčycca kresła dla dziciaci, to jano adnaznačna nie pavinna być miakkim, u im musić rehulavacca vyšynia i hłybinia siadzieńnia, musić być zručnaja śpinka.

Pahladzieć usie prapanovy pa kresłach i paraŭnać ceny.

Hłybinia pavinna być takoj, kab dzicia dakranałasia śpinaj da śpinki kresła, ale pry hetym kaleni nie dakranalisia da krajoŭ siadzieńnia. Najlepš uziać kresła z hłybinioj u 2/3 daŭžyni ściahna.

Važna pamiatać praviła «pramoha vuhła». Pad nahami musić być apora, kab jany stajali pad vuhłom 90 hradusaŭ. Kalena — pad pramym vuhłom, ściahno-śpina — pramy vuhał, toje samaje z łokciami.

Padłakotnikaŭ u kresła moža i nie być, bo inačaj u dziciaci źjaŭlajecca spakusa ŭvieś čas chilicca na adzin bok.

Jašče adzin važny momant — vyšynia kresła musić adpaviadać vyšyni stała i rostu školnika. Dzieci aktyŭna rastuć, a značyć i mebla pavinna mianiacca.

Zvyčajna vyłučajuć siem asnoŭnych rostavych hrup, pavodle jakich ustaloŭvajuć meblu ŭ dziciačych sadach i škołach. Baćkam taksama nieabchodna nie mienš za siem razoŭ źmianić meblu dziciaci. Naprykład, dla pieršakłaśnika (6—7 hadoŭ) z rostam kala 110—120 sm lepš nabyć stoł vyšynioj 52 sm, a kresła — 32 sm. Dalej na kožnyja +10 sm rostu dadavajcie da vyšyni stała 5 sm, a da vyšyni kresła — 3 sm. Zrazumieła, što dzieci rastuć vielmi chutka i nie zaŭsiody jość mahčymaść kupić novuju meblu až siem razoŭ. Tamu najlepš adzin raz uziać i stoł, i kresła z rehulavanaj vyšynioj.

I adpraŭlacca pa meblu varta razam ź dziciem, kab adrazu pravieryć, ci sapraŭdy jamu budzie kamfortna.

Baćkam, jakija nakiroŭvajucca ŭ kramu, treba pamiatać, što ŭsia dziciačaja mebla pavinna być siertyfikavanaja, pravieranaja na jakaść i ekałahičnaść materyjałaŭ, ź jakich jana zroblenaja.

Kramy «Mebla, jakaja raście» mieściacca na Piatra Mścisłaŭca, 20 («Majak Minska», mietro «Uschod») i ŭ HC «Civali» na Prytyckaha, 29 (3 pavierch), usie kantakty tut. Siudy možna pryjści ź dziciem i padabrać aptymalny varyjant.

Za mnostvam urokaŭ i zaniatkaŭ ni ŭ jakim razie nielha zabyvać i pra fizičnuju aktyŭnaść dziciaci.

«Nahruzki nieabchodnyja, ale ŭ rańnim uzroście addajcie pieravahu tym vidam sportu, jakija raźvivajuć usie hrupy myšcaŭ. Pačnicie z tancaŭ abo himnastyki. Kali ž vaša dzicia navučycca trymać śpinku, tady možna zajmacca i baraćboj, i fihurnym katańniem, i ciažkaj atletykaj, i futbołam. Viadoma, kali niama supraćpakazańniaŭ», — tłumačyć doktar.

Kali vy ŭbačyli, što ŭ dziciaci prablemy z pastavaj, nie varta adrazu panikavać. Kali havorka idzie pra fizijałahičnaje skryŭleńnie chrybta, to jaho časta možna vypravić. Zaścieražycie dzicia ad ciažkich fizičnych nahruzak, padumajcie pra lačebnuju himnastyku i zabiaśpiečcie dziciaci pravilnaj meblaj. Kali svoječasova nie padumać pra heta, to ŭ dziciaci moža raźvicca patałahičnaje skryŭleńnie chrybta — skalijoz.

«Raźvićcio skalijozu ŭ školnikaŭ jakraz i pačynajecca z taho, što padabranaja niapravilnaja mebla dla vučoby. Heta viadzie da nieraŭnamiernaj nahruzki na chrybiet i myšcy. Myšcy chutčej stamlajucca, stanoviacca słabymi. U dalejšym adbyvajucca źmianieńni ŭ źviazkach chrybta, idzie defarmacyja samich chrybietnikaŭ — u vyniku ŭtvarajecca ŭstojlivaje bakavoje skryŭleńnie chrybta».

Jak kažuć usie daktary, zachvorvańnie praściej papiaredzić, čym vylečyć, tamu ŭzbrojciesia prostymi paradami: režym, umieranyja nahruzki, pravilnaja mebla — i vaša dzicia budzie trymać nie tolki śpinu, ale i vyšej nos. Pravilnaja pastava — heta nie tolki zdaroŭje, ale i pryhažość.

TAA «Pramsnabinstrumient», UNP 190682615

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?