Nastajaciel kleckaha pravasłaŭnaha prychodu ajciec Matfiej Biełavus damohsia taki svajho: na dachu byłoha kaściołu daminikanskaha klaštara kanca ChVII st. ad minułaha tydnia bliščyć kupał-cybulina.

a.Matfiej svajho damohsia.

a.Matfiej svajho damohsia.

a.Matfiej Biełavus.

a.Matfiej Biełavus.

Były kaścioł źjaŭlajecca historyka-kulturnaj kaštoŭnaściu 1-j katehoryi, nahadvaje staršynia HA «Biełaruskaje dobraachvotnaje tavarystva achovy pomnikaŭ historyi i kultury» Anton Astapovič. Pa jaho słovach, Ministerstva kultury nakiravała ŭ Klecki rajvykankam aficyjny list, u jakim paviedamlałasia, što dziejańni a. Matfieja piarečyć zakanadaŭstvu, bo jany niepaźbiežna pryviaduć da źmieny źniešniaha vyhladu pomnika.

Hałoŭny architektar rajonu Michaił Smyčkoŭski spačatku admoviŭsia kamentavać ustalavańnie kupału na były daminikanski kaścioł i reakcyju na heta Ministerstva kultury, spasłaŭšysia na toje, što na dadzieny momant znachodzicca ŭ adpačynku. Ale niekalki słovaŭ na hetuju temu jon ŭsio ž skazaŭ. «Ja nie razumieju, čamu vas tak cikavić hetaje pytańnie. Heta ž carkva, i kupał na joj byŭ u 30-ja hady da pažaru». Pa słovach hałoŭnaha architektara, bolšuju ŭvahu treba nadavać inšym abjektam historyka-kulturnaj spadčyny. «Tyja ž Radzivilimonty. Ja kolki hadoŭ prasiŭ Tavarystva achovy pomnikaŭ dapamahčy. Pravieści tuju kanservacyju. Ale pakul nie zhareła, nie zhniło ŭsio, nichto nie cikaviŭsia» -- kaža Michaił Jaŭhienavič.

Ajciec Matfiej Biełavus upeŭnieny, što nie parušyŭ zakanadaŭstva: «U mianie jość nieabchodnyja dakumenty, fota i śviedčańni taho, što kupał na carkvie byŭ raniej». Jon budzie na carkvie i ciapier, dadaje nastajaciel prychodu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?