Desantny katar typu «Sierna» sutyknuŭsia z aporaj Dabravieščanskaha mosta padčas vajenna-marskoha parada ŭ Sankt-Pieciarburhu. Incydent trapiŭ na kadry tranślacyi, jakuju vioŭ telekanał RT.
Jak adznačaje «Fontanka», sudna adniesła płyńniu ad karabloŭ, jakija išli napieradzie. U vyniku jano levym bortam šarpanuła aporu mosta. Paśla sutyknieńnia kataru ŭdałosia vyraŭniać kurs i praciahnuć ruch.
Pry hetym u pres-słužbie Zachodniaj vajennaj akruhi hetu infarmacyju abvierhli, pieradaje RIA Novosti. «Nijakich incydentaŭ pry prachodžańni paradnaha stroju karabloŭ pa akvatoryi raki Niavy 29 lipienia padčas hałoŭnaha vajenna-marskoha parada nie było», — zajavili tam.
Parad u Pieciarburhu prajšoŭ u niadzielu, 29 lipienia, u honar śviatkavańnia Dnia Vajenna-marskoha fłotu Rasii. U im uziali ŭdzieł bolš za čatyry tysiačy marakoŭ, a taksama 41 karabiel, 38 samalotaŭ i viertalotaŭ.
