Skrynšot videa Defense Distributed
Sud u ZŠA adchiliŭ pazoŭ pravaabarončych arhanizacyj, jakija patrabavali zabłakavać rašeńnie administracyi prezidenta Donalda Trampa dazvolić publikavać u internecie čarciažy dla stvareńnia zbroi z dapamohaj 3D-pryntaraŭ. Pra heta paviedamlaje TASS sa spasyłkaj na CNN.
U červieni hetaha hoda ŭłady ZŠA dazvolili amierykanskaj kampanii Defense Distributed raźmiaščać u internecie čarciažy zbroi, jakuju možna «nadrukavać» z płastmasy na 3D-pryntary. Heta adbyłosia praź piać hadoŭ paśla taho, jak administracyja eks-prezidenta ZŠA Baraka Abamy zabaraniła firmie publikavać padobnyja schiemy.
Z dapamohaj takich schiem kožny moža zrabić takuju zbroju z dapamohaj technałohii 3D-druku, stvaryŭšy nieabchodnyja dla hetaha płastmasavyja detali.
Skrynšot videa Defense Distributed
U 2015 hodzie zasnavalnik kampanii Kodzi Uiłsan padaŭ u sud, zajaviŭšy, što zabarona parušaje jaho kanstytucyjnyja pravy. Jon skazaŭ, što na toj momantu, kali ŭłady ZŠA ŭ 2013 hodzie zapatrabavali vydalić čarciažy z sajta kampanii, ich užo spampavali bolš za 400 tys. razoŭ.
Praz try hady administracyja Trampa urehulavała sudovyja pretenzii Defense Distributed i dazvoliła kampanii raźmiaścić čarciažy ŭ internecie. Pa słovach Uiłsana, jaho firma płanuje zrabić heta da 1 žniŭnia.
Pravaabaroncy padali isk u sud u Ościnie (štat Techas) z patrabavańniem admianić skasavańnie zabarony. Jany śćviardžali, što raźmiaščeńnie schiem «naniasie niepapraŭnyja straty nacyjanalnaj biaśpiecy ZŠA». Jak adznačaje CNN, sud adchiliŭ chadajnictva pravaabaroncaŭ.