Siońnia ŭnačy biełarusy mahli nazirać poŭnaje zaćmieńnie Miesiaca, jakoje stała samym praciahłym u 21-m stahodździ — poŭnaja faza doŭžyłasia 1 hadzinu 43 chviliny. Niahledziačy na toje, što ŭviečary amal pa ŭsioj krainie išli daždžy i hrymieli navalnicy, bližej da nočy ŭ bolšaści rehijonaŭ chmary razyšlisia i nizka-nizka nad haryzontam źjaviŭsia karyčnievaty dysk zakrytaha ziamnym cieniem Miesiaca. A nižej jaho źziaŭ jarka-aranžavy Mars, jaki, nahadajem, u hetuju noč padyšoŭ maksimalna blizka da Ziamli za apošnija 15 hod.
Cikava, što ŭ momant poŭnaj fazy zaćmieńnia jarkaść Miesiaca mocna asłabieła, i źjaviłasia mahčymaść ubačyć rossypy zorak i navat Mlečny Šlach, chacia zvyčajna poŭny Miesiac mocna pieraškadžaje takim nazirańniam.
Jak vyhladała hetaja redkaja źjava la ruinaŭ Śviata-Trajeckaj (Biełaj) carkvy na voziery Čarejskaje — u našym fotarepartažy.
