Kala hadziny nočy pacyjentaŭ špitalizavali ŭ Homielskuju abłasnuju kliničnuju balnicu. 50-hadovy mužčyna znachodzicca ŭ niejrachirurhičnym, 36-hadovaja žančyna — u otarynałarynhałahičnym adździaleńni. Ich stan stabilny.
Raniej homielskija miedyki arhanizavali pieravozku pieršaj hrupy paciarpiełych — dzieviać čałaviek. Takim čynam, u špitali ŭ Mikałajeŭskaj vobłaści zastajecca adzin biełarus. Jaho stan pakul nie dazvalaje transpartavać pacyjenta na radzimu.
Nahadajem, avaryja, u jakoj zahinuli piać čałaviek i paciarpieli 12, zdaryłasia 20 lipienia na trasie Adesa — Kijeŭ. Mikraaŭtobus z hamielčukami ŭrezaŭsia ŭ furu, jakaja stajała na prajeznaj častcy praź niaspraŭnaść.
